Búgin jetekshi uıaly baılanys operatory Kcell aldaǵy ýaqytqa josparlanǵan tarıf baǵasyn ósirý týraly sheshimin qaıta qarady, dep habarlaıdy Dalanews.kz.
13 jeltoqsanǵa josparlanǵan túzetý 18 tarıftik jospardy orta eseppen 400 teńgege qymbattatýy tıis edi.
Degenmen kompanıa tarıftik saıasat máselelerin beıindi mınıstrlik – QR SDAÓM-men talqylap, nátıjesinde qyzmetterdiń qunyn kótermeý týraly sheshim qabyldanǵanyn málimdedi.
Kcell azamattar aldyndaǵy óz jaýapkershiligin túsinip, qazirgi ekonomıkalyq jaǵdaıdy eskerip otyr. Kompanıa basshylyǵy tarıfterdi qaıta qaraýǵa dál qazirgi ýaqyt yńǵaısyz ekenin aıtady. Sondyqtan klıentterine turaqty jaǵdaıdy usynýdy jalǵastyratynyn málimdedi.
Sonymen qatar, biz qubylmaly jaǵdaılarǵa beıimdelý úshin, qyzmet sapasyn saqtaı otyryp, ınvestısıalyq baǵdarlamany qaıta qarap jatyrmyz.
