Densaýlyq saqtaý ministri Aqmaral Álnazarova qymbat brend kiimi týraly suraqqa jaýap bermei qoidy, dep habarlaidy Dalanews.kz.
7 qazanda úkimette ótken brifing barysynda ministrge qymbat kiimi týraly suraq qoiylǵan bolatyn.
"Áleýmettik jelide sizdiń óńirlerge, ásirese aýyldarda jasaǵan kezdesýlerińizde óte qymbat kiimmen kelgenińiz qyzý talqylanyp jatyr. Iaǵni valentino brendiniń aiaq kiimimen kelgensiz. Bul ras pa?", - dep surady jýrnalist.
Alaida brifing moderatory bul jeke másele ekenin aityp, ministr bul suraqqa jaýap bermeitinin jetkizdi. Ministr de bul suraqqa jaýap bermedi.
Aita keteiik, bul týraly Threads qoldanýshysy jazǵan bolatyn.
"Qashanǵa deiin qarapaiym halyqty osylaisha ashyqtan-ashyq mazaq etip, tsirkke ainaldyryp júre bermek? Densaýlyq saqtaý ministri Aqmaral Álnazarova hanym ekinshi ret "kim kimge qyzmet etýi tiis" ekenin anyq kórsetip otyr. Birinshi ret ol Ulytaýdaǵy aýrýhanaǵa Lexus kóligimen kelgen edi. Ekinshi ret – Valentino Garavani markasyndaǵy týfliimen kózge tústi, olardyń baǵasy 1000 eýrodan bastalady.
Men osy týflige qatysty pikir jazǵan soń, Densaýlyq saqtaý ministrligi meniń akkaýntymdy buǵattap tastady. Bul jaǵdai nazardan tys qalmaidy dep úmittenemin", dep jazǵan edi jeli qoldanýshysy.
