دەنساۋلىق ساقتاۋ مينيسترٸ اقمارال ەلنازاروۆا قىمبات برەند كيٸمٸ تۋرالى سۇراققا جاۋاپ بەرمەي قويدى, دەپ حابارلايدى Dalanews.kz.
7 قازاندا ٷكٸمەتتە ٶتكەن بريفينگ بارىسىندا مينيسترگە قىمبات كيٸمٸ تۋرالى سۇراق قويىلعان بولاتىن.
"ەلەۋمەتتٸك جەلٸدە سٸزدٸڭ ٶڭٸرلەرگە, ەسٸرەسە اۋىلداردا جاساعان كەزدەسۋلەرٸڭٸزدە ٶتە قىمبات كيٸممەن كەلگەنٸڭٸز قىزۋ تالقىلانىپ جاتىر. ياعني valentino برەندٸنٸڭ اياق كيٸمٸمەن كەلگەنسٸز. بۇل راس پا?", - دەپ سۇرادى جۋرناليست.
الايدا بريفينگ مودەراتورى بۇل جەكە مەسەلە ەكەنٸن ايتىپ, مينيستر بۇل سۇراققا جاۋاپ بەرمەيتٸنٸن جەتكٸزدٸ. مينيستر دە بۇل سۇراققا جاۋاپ بەرمەدٸ.
ايتا كەتەيٸك, بۇل تۋرالى Threads قولدانۋشىسى جازعان بولاتىن.
"قاشانعا دەيٸن قاراپايىم حالىقتى وسىلايشا اشىقتان-اشىق مازاق ەتٸپ, تسيرككە اينالدىرىپ جٷرە بەرمەك? دەنساۋلىق ساقتاۋ مينيسترٸ اقمارال ەلنازاروۆا حانىم ەكٸنشٸ رەت "كٸم كٸمگە قىزمەت ەتۋٸ تيٸس" ەكەنٸن انىق كٶرسەتٸپ وتىر. بٸرٸنشٸ رەت ول ۇلىتاۋداعى اۋرۋحاناعا Lexus كٶلٸگٸمەن كەلگەن ەدٸ. ەكٸنشٸ رەت – Valentino Garavani ماركاسىنداعى تۋفليٸمەن كٶزگە تٷستٸ, ولاردىڭ باعاسى 1000 ەۋرودان باستالادى.
مەن وسى تۋفليگە قاتىستى پٸكٸر جازعان سوڭ, دەنساۋلىق ساقتاۋ مينيسترلٸگٸ مەنٸڭ اككاۋنتىمدى بۇعاتتاپ تاستادى. بۇل جاعداي نازاردان تىس قالمايدى دەپ ٷمٸتتەنەمٸن", دەپ جازعان ەدٸ جەلٸ قولدانۋشىسى.
