2024 jyly Qazaqstanǵa tikelei investitsiia tartý minýsqa kirip ketip, onyń taza aǵyny minýs 2,55 milliard dollardy kórsetken. Bul keiingi 30 jylda bolmaǵan eń nashar jáne masqara kórsetkish. Qazaqstan investitsiia boiynsha búkil Ortalyq Aziia aýmaǵynyń aýtsaiderine ainalyp otyr. Tipti dástúrli aýtsaider Tájikstan 291 million dollar investitsiia tartyp, Qazaqstannan 10 ese ozyp ketken. Al Ózbekstan tikelei sheteldik investitsiianyń taza aǵynynda Qazaqstannan júz ese ozyp ketip, 2,8 milliard dollar tarta bilgen, dep habarlaidy Dalanews.kz DALA INSIDE derekkózine silteme jasap.
“Aqorda kabinetterinde tikelei investitsiiaǵa jaýapty “Kazakh Invest” ulttyq kompaniiasy bir jyl boiy ne bitirdi?” degen zańdy suraq qoiyldy. Kompaniianyń búkil top-menedjmenti jáne basqarma tóraǵasy Erjan Elekeevtiń jumys nátijesine óte nashar baǵa berilip otyr. Kadrlyq sheshimder jaqyn arada jariialanýy tiis”, - deidi DALA INSIDE derekkózi.
Derekkóz málimetinshe, “Kazakh Invest” byltyr negizgi kapitalǵa salynǵan investitsiialardyń Ortalyq Aziia boiynsha bizde eń kóp bolǵanyn aityp aqtalýda. Ol kórsetkish 41 milliard dollardan asqan. Sonymen birge kompaniia investitsiianyń baiaǵydai shikizattyq baǵyttan ketip, sapaly baǵyttarǵa, ásirese himiia, metallýrgiia, infraqurylymǵa kelip jatqandyǵyn alǵa tartady.
“Negizi Qazaqinvestty kóp shyryldatpasa da bolady”, - deidi, derekkóz.
Onyń aitýynsha, bul ulttyq kompaniia tek kishkentai jáne ortasha investorlarmen óz platformasynda jumys isteidi. Jáne elge kelip jatqan iri investitsiialarda Qazaqinvesttyń esh áseri joq. 2023 jylǵy rekordty investitsiialar shikizatqa qatysty boldy. Mysaly, Teńizshevroildyń Teńiz kenishin keńeitý jobasy úlken ról oinady. Ondai kezderde Qazaqinvestpen eshkim aqyldaspaidy da. Iri tulǵalar ózara kezdesip, máseleni sheshe salady. Jalpy, “Kazakh Invest” bar bolsa da, joq bolsa bizge kelgen, kelmegen investitsiialarda onyń eshqandai áseri joq.
“Kazakh Invest degen barda jalańash bilep turǵan qyz siiaqty. Barǵa kelgen adam viskige tapsyrys bere me, bermei me, ony bilep turǵan qyz emes, adamnyń qaltasyndaǵy aqsha kólemi, jalpy kóńil-kúii, nieti sheshedi ǵoi. Sol siiaqty Qazaqinvest pen investitsiianyń arasynda eshqandai bailanys joq”, - deidi, derekkóz.
DALA INSIDE málimetinshe, aldaǵy ýaqytta atalǵan máselege bailanysty ózgeris bolýy múmkin.
“Ishi bos, esh paidasy joq, ne istep ne qoiyp júrgenin bilmeitin mundai uiymǵa aktsionerlik qoǵam jáne ulttyq kompaniia statýsy tym artyq siiaqty. Sondyqtan bolashaqta ol kishireiip, ulttyq statýsynan airylyp, JShS formasyndaǵy shaǵyn firma bolyp qalýy múmkin. Kelesi aptada bir ózgeris bolary haq”, — dep túiindedi derekkóz.
