Kaspi.kz-ke Túrkiiadaǵy biznesi 149 mlrd teńge kiris ákelgen, biraq bul rette taza paida 6 mlrd teńgege tómendepti. Bul týraly fintehtiń 2025 jyldyń I toqsanyndaǵy esebinde aitylady, dep habarlaidy Dalanews.kz.
Qarjylyq esepte 2025 jyldyń qańtar-naýryz ailary aralyǵyndaǵy túrik biznesine qatysty málimetter de keltirilgen. Oǵan sáikes, sheteldik markeitleisti esepke almaǵandaǵy qazaqstandyq kompaniianyń úsh aidaǵy tabysy 685 mlrd teńgege jetken (jylyna +21%), al ondaǵy kirisin qossa jalpy paida 834 mlrd teńge bolmaq. Al Túrkiiadaǵy biznesti esepke almaǵandaǵy taza paida 260 mlrd teńgeni (+ 16%) qurady, esepke alǵanda — 6 mlrd teńgege kem, iaǵni 254 mlrd teńge.
Hepsiburada marketpleisi "joǵaltqan" 6 mlrd teńgeni Kaspi.kz "qorytyndy kórsetkishtermen qosqanda" shamaly kólem dep ataidy. Olar buǵan Túrkiiadaǵy "tutynýshylardyń saiasi boikottarynyń" jáne "erte kezeńdegi nesielik ónimderge jasalatyn investitsiialardyń" áseri baryn aitady. Hepsiburadanyń ózi bul boikottar marketpleistiń marketingtik belsendiligin "aitarlyqtai tómendetkenin" naqtylaidy, bul ótken jylmen salystyrǵanda tutynýshylyq suranystyń nasharlaýyna ákelip soqqan. Sonymen qatar, tutynýshylardyń suranysyna teris áser etken nárse - Túrkiiadaǵy infliatsiia jáne onymen kúres, dep atap ótti Hepsiburada.
"Marketpleistiń 2025 jyldyń alǵashqy úsh aiyndaǵy kirisi, óz derekteri boiynsha, 7,9%-ǵa, iaǵni 14,4 milliard túrik lirasyna deiin tómendedi (bir jyl buryn bul kórsetkish 15,6 milliard lira bolǵan). Osy kezeńdegi taza shyǵyn 2024 jyldyń I-toqsanyndaǵy 180,5 million túrik lirasymen salystyrǵanda 355,1 million túrik lirasyn qurady. Tapsyrystar sany úsh aida 18,9%-ǵa, iaǵni 29,3 mln-nan 23,8 mln-ǵa deiin qysqardy. Taýardyń jalpy quny (GMV) 50,1 mlrd liradan 42,7 mlrd liraǵa deiin qysqaryp, tómendeý 14,8%-dy qurady", delingen marketpleis esebinde.
Aita ketsek, Kaspi.kz Hepsiburada marketpleisiniń 65,41% majoritarlyq úlesine ie.
