Kaspi.kz-كە تۇركياداعى بيزنەسى 149 ملرد تەڭگە كىرىس اكەلگەن، ءبىراق بۇل رەتتە تازا پايدا 6 ملرد تەڭگەگە تومەندەپتى. بۇل تۋرالى فينتەحتىڭ 2025 جىلدىڭ I توقسانىنداعى ەسەبىندە ايتىلادى، دەپ حابارلايدى Dalanews.kz.
قارجىلىق ەسەپتە 2025 جىلدىڭ قاڭتار-ناۋرىز ايلارى ارالىعىنداعى تۇرىك بيزنەسىنە قاتىستى مالىمەتتەر دە كەلتىرىلگەن. وعان سايكەس، شەتەلدىك ماركەيتلەيستى ەسەپكە الماعانداعى قازاقستاندىق كومپانيانىڭ ءۇش ايداعى تابىسى 685 ملرد تەڭگەگە جەتكەن (جىلىنا +21%)، ال ونداعى كىرىسىن قوسسا جالپى پايدا 834 ملرد تەڭگە بولماق. ال تۇركياداعى بيزنەستى ەسەپكە الماعانداعى تازا پايدا 260 ملرد تەڭگەنى (+ 16%) قۇرادى، ەسەپكە العاندا — 6 ملرد تەڭگەگە كەم، ياعني 254 ملرد تەڭگە.
Hepsiburada ماركەتپلەيسى "جوعالتقان" 6 ملرد تەڭگەنى Kaspi.kz "قورىتىندى كورسەتكىشتەرمەن قوسقاندا" شامالى كولەم دەپ اتايدى. ولار بۇعان تۇركياداعى "تۇتىنۋشىلاردىڭ ساياسي بويكوتتارىنىڭ" جانە "ەرتە كەزەڭدەگى نەسيەلىك ونىمدەرگە جاسالاتىن ينۆەستيسيالاردىڭ" اسەرى بارىن ايتادى. Hepsiburadaنىڭ ءوزى بۇل بويكوتتار ماركەتپلەيستىڭ ماركەتينگتىك بەلسەندىلىگىن "ايتارلىقتاي تومەندەتكەنىن" ناقتىلايدى، بۇل وتكەن جىلمەن سالىستىرعاندا تۇتىنۋشىلىق سۇرانىستىڭ ناشارلاۋىنا اكەلىپ سوققان. سونىمەن قاتار، تۇتىنۋشىلاردىڭ سۇرانىسىنا تەرىس اسەر ەتكەن نارسە - تۇركياداعى ينفلياسيا جانە ونىمەن كۇرەس، دەپ اتاپ ءوتتى Hepsiburada.
"ماركەتپلەيستىڭ 2025 جىلدىڭ العاشقى ءۇش ايىنداعى كىرىسى، ءوز دەرەكتەرى بويىنشا، 7،9%-عا، ياعني 14،4 ميلليارد تۇرىك ليراسىنا دەيىن تومەندەدى (ءبىر جىل بۇرىن بۇل كورسەتكىش 15،6 ميلليارد ليرا بولعان). وسى كەزەڭدەگى تازا شىعىن 2024 جىلدىڭ I-توقسانىنداعى 180،5 ميلليون تۇرىك ليراسىمەن سالىستىرعاندا 355،1 ميلليون تۇرىك ليراسىن قۇرادى. تاپسىرىستار سانى ءۇش ايدا 18،9%-عا، ياعني 29،3 ملن-نان 23،8 ملن-عا دەيىن قىسقاردى. تاۋاردىڭ جالپى قۇنى (GMV) 50،1 ملرد ليرادان 42،7 ملرد ليراعا دەيىن قىسقارىپ، تومەندەۋ 14،8%-دى قۇرادى"، دەلىنگەن ماركەتپلەيس ەسەبىندە.
ايتا كەتسەك، Kaspi.kz Hepsiburada ماركەتپلەيسىنىڭ 65،41% ماجوريتارلىق ۇلەسىنە يە.
