Óńir basshysy Nurlan Noǵaev Jańaózenge jumys saparymen bolyp, birqatar kásiporyndardy aralady. Sondai-aq, mekeme basshylaryn qaýipsizdik sharalaryn qatań saqtaýǵa shaqyrdy. Oblys ákimi kásiporyndardaǵy eńbek qaýipsizdigi joǵary basymdyqtardyń birine ainalýy tiis ekenin atap ótti. Árbir qyzmetker yqtimal táýekelderdiń aldyn alýǵa daiyn bolýy úshin qaýipsizdik boiynsha oqytý júieli túrde júrgizilýi kerektigin atap ótti.
Statistikaǵa sáikes, 2023 jyldyń alty aiynda Mańǵystaý oblysynyń kásiporyndarynda 19 qyzmetker zardap shekken, onyń 13 - i aýyr jaraqat alyp, alty adam qaza tapqan. Bul jumys oryndaryndaǵy baqylaý men qyraǵylyqtyk árdaiym qajet deńgeide bolý kerek ekenin kórsetedi.
Óńir basshysy Nurlan Noǵaev káriz jáne sý tazartý kásiporyndaryna, sondai-aq aiyna 350 sorǵy qondyrǵysyn kúrdeli jóndeýmen jáne jańǵyrtýmen, jylyna júzden astam munai burǵylaý stanoktaryn daiyndaýmen ainalysatyn «Test Com» JShS-ǵa bardy. Qazirgi ýaqytta kompaniia 160-tan astam jergilikti turǵyndardy jumyspen qamtamasyz etedi. Óńir basshysy kásiporyndarda qaýipsizdik erejelerin saqtaýdyń mańyzdylyǵyn atap ótti.
– Qaýipsizdik erejelerin saqtaýda kezdeisoqtyqqa oryn joq, sebebi bul ómir qaýipsizdiginiń kepili jáne kásiporyndy damytý jolyndaǵy tabystyń kilti. Mekemedegi árbir qaýipsizdik jónindegi maman árqashan yqtimal qaýipterdiń aldyn-alý jáne olardy eskertýi mańyzdy. Qyzmetkerlerdiń kásibiligi joǵary, tájiribesi mol ekeni anyq, alaida kásiporyndarda adam shyǵynyn boldyrmaý úshin qaýipsizdik basty nazarda bolýy tiis, – dep atap ótti Nurlan Noǵaev.
Jumys sapary barysynda Nurlan Noǵaev «Ózeninvest» kásipornyna baryp, qýattylyǵy táýligine 10 750 m3 káriz qaldyqtaryn tazartý zaýytynyń jáne qýattylyǵy táýligine 32 myń m3 sý tazartý mekemesiniń jumysymen tanysty. Jaz mezgilinde Jańaózende sý tapshylyǵy baiqalady, óitkeni turǵyndardyń kúndelikti sý tutyný deńgeii mamyr aiynan qyrkúiekke deiin 40 myń m3 ósedi. Sol sebepti qazirgi ýaqytta kásiporyn belgilengen keste boiynsha sý berýdi júzege asyrady. Bul máseleni sheshý úshin qýattylyǵy 50 myń m3 bolatyn «Kendirli» tushytý zaýytynyń qurylysy kózdelgen. Joba «QazMunaiGaz» AQ qarjylandyrýymen júzege asatyn bolady.
