ءوڭىر باسشىسى نۇرلان نوعايەۆ جاڭاوزەنگە جۇمىس ساپارىمەن بولىپ، ءبىرقاتار كاسىپورىنداردى ارالادى. سونداي-اق، مەكەمە باسشىلارىن قاۋىپسىزدىك شارالارىن قاتاڭ ساقتاۋعا شاقىردى. وبلىس اكىمى كاسىپورىندارداعى ەڭبەك قاۋىپسىزدىگى جوعارى باسىمدىقتاردىڭ بىرىنە اينالۋى ءتيىس ەكەنىن اتاپ ءوتتى. ءاربىر قىزمەتكەر ىقتيمال تاۋەكەلدەردىڭ الدىن الۋعا دايىن بولۋى ءۇشىن قاۋىپسىزدىك بويىنشا وقىتۋ جۇيەلى تۇردە جۇرگىزىلۋى كەرەكتىگىن اتاپ ءوتتى.
ستاتيستيكاعا سايكەس، 2023 جىلدىڭ التى ايىندا ماڭعىستاۋ وبلىسىنىڭ كاسىپورىندارىندا 19 قىزمەتكەر زارداپ شەككەن، ونىڭ 13 - ءى اۋىر جاراقات الىپ، التى ادام قازا تاپقان. بۇل جۇمىس ورىندارىنداعى باقىلاۋ مەن قىراعىلىقتىك ءاردايىم قاجەت دەڭگەيدە بولۋ كەرەك ەكەنىن كورسەتەدى.
ءوڭىر باسشىسى نۇرلان نوعايەۆ كارىز جانە سۋ تازارتۋ كاسىپورىندارىنا، سونداي-اق ايىنا 350 سورعى قوندىرعىسىن كۇردەلى جوندەۋمەن جانە جاڭعىرتۋمەن، جىلىنا جۇزدەن استام مۇناي بۇرعىلاۋ ستانوكتارىن دايىنداۋمەن اينالىساتىن «Test Com» جشس-عا باردى. قازىرگى ۋاقىتتا كومپانيا 160-تان استام جەرگىلىكتى تۇرعىنداردى جۇمىسپەن قامتاماسىز ەتەدى. ءوڭىر باسشىسى كاسىپورىنداردا قاۋىپسىزدىك ەرەجەلەرىن ساقتاۋدىڭ ماڭىزدىلىعىن اتاپ ءوتتى.
– قاۋىپسىزدىك ەرەجەلەرىن ساقتاۋدا كەزدەيسوقتىققا ورىن جوق، سەبەبى بۇل ءومىر قاۋىپسىزدىگىنىڭ كەپىلى جانە كاسىپورىندى دامىتۋ جولىنداعى تابىستىڭ كىلتى. مەكەمەدەگى ءاربىر قاۋىپسىزدىك جونىندەگى مامان ءارقاشان ىقتيمال قاۋىپتەردىڭ الدىن-الۋ جانە ولاردى ەسكەرتۋى ماڭىزدى. قىزمەتكەرلەردىڭ كاسىبيلىگى جوعارى، تاجىريبەسى مول ەكەنى انىق، الايدا كاسىپورىنداردا ادام شىعىنىن بولدىرماۋ ءۇشىن قاۋىپسىزدىك باستى نازاردا بولۋى ءتيىس، – دەپ اتاپ ءوتتى نۇرلان نوعايەۆ.
جۇمىس ساپارى بارىسىندا نۇرلان نوعايەۆ «وزەنينۆەست» كاسىپورنىنا بارىپ، قۋاتتىلىعى تاۋلىگىنە 10 750 م3 كارىز قالدىقتارىن تازارتۋ زاۋىتىنىڭ جانە قۋاتتىلىعى تاۋلىگىنە 32 مىڭ م3 سۋ تازارتۋ مەكەمەسىنىڭ جۇمىسىمەن تانىستى. جاز مەزگىلىندە جاڭاوزەندە سۋ تاپشىلىعى بايقالادى، ويتكەنى تۇرعىنداردىڭ كۇندەلىكتى سۋ تۇتىنۋ دەڭگەيى مامىر ايىنان قىركۇيەككە دەيىن 40 مىڭ م3 وسەدى. سول سەبەپتى قازىرگى ۋاقىتتا كاسىپورىن بەلگىلەنگەن كەستە بويىنشا سۋ بەرۋدى جۇزەگە اسىرادى. بۇل ماسەلەنى شەشۋ ءۇشىن قۋاتتىلىعى 50 مىڭ م3 بولاتىن «كەندىرلى» تۇشىتۋ زاۋىتىنىڭ قۇرىلىسى كوزدەلگەن. جوبا «قازمۇنايگاز» اق قارجىلاندىرۋىمەن جۇزەگە اساتىن بولادى.
