26 sáýirden bastap jumysyn bastaıtyn «Ashyq» pılottyq jobasyna Túrkistan oblysynan 300-den asa kásipker qyzyǵýshylyq tanytyp otyr.
– Bul qosymshanyń engizýdegi basty maqsat – QR-kod jáne PTR ortaq bazasymen kez kelgen qoǵamdyq orynǵa kelýshiniń mártebesin anyqtaýǵa múmkindik beredi. Iaǵnı, azamattyń koronovırýs ınfeksıasyn juqtyrǵan ne juqtyrmaǵanyn anyqtaıdy. Qoǵamdyq orynǵa kireberiste paıdalanýshy arnaıy QR -kodty skanerlep, ony ákimshige kórsetedi. Kod kelýshiniń statýsyn anyqtaıdy.
Kásipkerlik nysan kelýshiniń mártebesin ǵana kóredi, jasyl, kók, sary nemese qyzyl bolyp kórinedi. Qyzyl tús – eger adam PTR-testin tapsyryp, oń nátıje shyqsa beriledi. Osy statýstyń ıesine úıde oqshaýlaný rejımin qatań ustaný kerek. Sary tús - naýqas adammen baılanysta bolǵan adamdarǵa beriledi. Olarǵa azyq-túlik nemese úı janyndaǵy dárihanaǵa barýǵa ruqsat etiledi, biraq basqa nysandarǵa barýǵa tyıym salynady. Kók tús – PTR-testileý tapsyrý mindetti oryndardan basqa barlyq jerge barý ruqsat. Jasyl tús – júrip-turýǵa tolyǵymen ruqsat beriledi, – dedi Tımýr Arsenuly.
«Ashyq» baǵdarlamasyna qatysýshy kásipkerler QR-kodty alý úshin infokazakhstan.kz saıtynda ótinish berý kerek. Joba talaptaryna sáıkestikti tekserilgen soń jeke kabınette kod paıda bolady, atalǵan kod arqyly qosymshamen jumys isteýdi úırený jáne synaq rejıminde 1 apta boıy jumys isteý múmkindigi beriledi. Bul qosymsha kásipkerlerge óz qyzmetin jalǵastyrýǵa jáne kelýshilerge qaýip tóndirmeýge múmkindik bermek.
