26 sáýirden bastap jumysyn bastaityn «Ashyq» pilottyq jobasyna Túrkistan oblysynan 300-den asa kásipker qyzyǵýshylyq tanytyp otyr.
– Bul qosymshanyń engizýdegi basty maqsat – QR-kod jáne PTR ortaq bazasymen kez kelgen qoǵamdyq orynǵa kelýshiniń mártebesin anyqtaýǵa múmkindik beredi. Iaǵni, azamattyń koronovirýs infektsiiasyn juqtyrǵan ne juqtyrmaǵanyn anyqtaidy. Qoǵamdyq orynǵa kireberiste paidalanýshy arnaiy QR -kodty skanerlep, ony ákimshige kórsetedi. Kod kelýshiniń statýsyn anyqtaidy.
Kásipkerlik nysan kelýshiniń mártebesin ǵana kóredi, jasyl, kók, sary nemese qyzyl bolyp kórinedi. Qyzyl tús – eger adam PTR-testin tapsyryp, oń nátije shyqsa beriledi. Osy statýstyń iesine úide oqshaýlaný rejimin qatań ustaný kerek. Sary tús - naýqas adammen bailanysta bolǵan adamdarǵa beriledi. Olarǵa azyq-túlik nemese úi janyndaǵy dárihanaǵa barýǵa ruqsat etiledi, biraq basqa nysandarǵa barýǵa tyiym salynady. Kók tús – PTR-testileý tapsyrý mindetti oryndardan basqa barlyq jerge barý ruqsat. Jasyl tús – júrip-turýǵa tolyǵymen ruqsat beriledi, – dedi Timýr Arsenuly.
