26 ساۋىردەن باستاپ جۇمىسىن باستايتىن «Ashyq» پيلوتتىق جوباسىنا تۇركىستان وبلىسىنان 300-دەن اسا كاسىپكەر قىزىعۋشىلىق تانىتىپ وتىر.
– بۇل قوسىمشانىڭ ەنگىزۋدەگى باستى ماقسات – QR-كود جانە پتر ورتاق بازاسىمەن كەز كەلگەن قوعامدىق ورىنعا كەلۋشىنىڭ مارتەبەسىن انىقتاۋعا مۇمكىندىك بەرەدى. ياعني، ازاماتتىڭ كورونوۆيرۋس ينفەكسياسىن جۇقتىرعان نە جۇقتىرماعانىن انىقتايدى. قوعامدىق ورىنعا كىرەبەرىستە پايدالانۋشى ارنايى QR -كودتى سكانەرلەپ، ونى اكىمشىگە كورسەتەدى. كود كەلۋشىنىڭ ستاتۋسىن انىقتايدى.
كاسىپكەرلىك نىسان كەلۋشىنىڭ مارتەبەسىن عانا كورەدى، جاسىل، كوك، سارى نەمەسە قىزىل بولىپ كورىنەدى. قىزىل ءتۇس – ەگەر ادام پتر-تەستىن تاپسىرىپ، وڭ ناتيجە شىقسا بەرىلەدى. وسى ستاتۋستىڭ يەسىنە ۇيدە وقشاۋلانۋ رەجيمىن قاتاڭ ۇستانۋ كەرەك. سارى ءتۇس - ناۋقاس اداممەن بايلانىستا بولعان ادامدارعا بەرىلەدى. ولارعا ازىق-تۇلىك نەمەسە ءۇي جانىنداعى ءدارىحاناعا بارۋعا رۇقسات ەتىلەدى، ءبىراق باسقا نىساندارعا بارۋعا تىيىم سالىنادى. كوك ءتۇس – پتر-تەستىلەۋ تاپسىرۋ مىندەتتى ورىنداردان باسقا بارلىق جەرگە بارۋ رۇقسات. جاسىل ءتۇس – ءجۇرىپ-تۇرۋعا تولىعىمەن رۇقسات بەرىلەدى، – دەدى تيمۋر ارسەن ۇلى.
«Ashyq» باعدارلاماسىنا قاتىسۋشى كاسىپكەرلەر QR-كودتى الۋ ءۇشىن infokazakhstan.kz سايتىندا ءوتىنىش بەرۋ كەرەك. جوبا تالاپتارىنا سايكەستىكتى تەكسەرىلگەن سوڭ جەكە كابينەتتە كود پايدا بولادى، اتالعان كود ارقىلى قوسىمشامەن جۇمىس ىستەۋدى ۇيرەنۋ جانە سىناق رەجيمىندە 1 اپتا بويى جۇمىس ىستەۋ مۇمكىندىگى بەرىلەدى. بۇل قوسىمشا كاسىپكەرلەرگە ءوز قىزمەتىن جالعاستىرۋعا جانە كەلۋشىلەرگە ءقاۋىپ توندىرمەۋگە مۇمكىندىك بەرمەك.
