Qazaqstandyq kásipkerler qosymsha qun salyǵynyń 20 paiyzǵa kóterilýine qarsy. Bul týraly "Atameken" ulttyq kásipkerler palatasynyń basqarma tóraǵasy Raiymbek Batalov aitty, dep habarlaidy Dalanews.kz.
Kásipkerlerdiń birlesken otyrysyna 800 adam qatysqan.
«Biznes-qaýymdastyq arasynda keńinen talqylanyp jatqan taqyryp – QQS mólsherlemesine erekshe nazar aýdarǵym keledi. Biz mólsherlemeniń ósýin qajetti esepteýlermen negizdelýi tiis dep sanaimyz jáne ony birjolǵy 20%-ǵa deiin arttyrýǵa qarsylyǵymyzdy bildiremiz», - dedi Batalov.
Sondai-aq, Raiymbek Batalov qosylǵan qun salyǵy boiynsha shekti mánderdi túzetý qajet ekenin aitty.
«Biz 15 million teńge QQS shegine qarsymyz. Biznestiń kirisi men ósý qarqynyna, ásirese, ákimshiliktiń kúrdelenýine ákeletin saldardy taldaý mańyzdy. Sonymen qatar, biz arnaiy salyq rejimin qoldaný shegin tómendetý boiynsha usynyspen kelispeitinimizdi alǵa tartamyz», - dedi Raiymbek Batalov.
Kásipkerlerge ózindik qunyn tómendetý maqsatynda Ulttyq palata áleýmettik salyqty jáne jumys berýshiniń mindetti zeinetaqy jarnalaryn alyp tastaý jolymen eńbekaqy qoryna salyq júktemesin qysqartýdy usynady.
