قازاقستاندىق كاسىپكەرلەر قوسىمشا قۇن سالىعىنىڭ 20 پايىزعا كوتەرىلۋىنە قارسى. بۇل تۋرالى "اتامەكەن" ۇلتتىق كاسىپكەرلەر پالاتاسىنىڭ باسقارما ءتوراعاسى رايىمبەك باتالوۆ ايتتى، دەپ حابارلايدى Dalanews.kz. 

كاسىپكەرلەردىڭ بىرلەسكەن وتىرىسىنا 800 ادام قاتىسقان. 

«بيزنەس-قاۋىمداستىق اراسىندا كەڭىنەن تالقىلانىپ جاتقان تاقىرىپ – ققس مولشەرلەمەسىنە ەرەكشە نازار اۋدارعىم كەلەدى. ءبىز مولشەرلەمەنىڭ ءوسۋىن قاجەتتى ەسەپتەۋلەرمەن نەگىزدەلۋى ءتيىس دەپ سانايمىز جانە ونى ءبىرجولعى 20%-عا دەيىن ارتتىرۋعا قارسىلىعىمىزدى بىلدىرەمىز»، - دەدى باتالوۆ.

سونداي-اق، رايىمبەك باتالوۆ قوسىلعان قۇن سالىعى بويىنشا شەكتى ماندەردى تۇزەتۋ قاجەت ەكەنىن ايتتى.

 «ءبىز 15 ميلليون تەڭگە ققس شەگىنە قارسىمىز. بيزنەستىڭ كىرىسى مەن ءوسۋ قارقىنىنا، اسىرەسە، اكىمشىلىكتىڭ كۇردەلەنۋىنە اكەلەتىن سالداردى تالداۋ ماڭىزدى. سونىمەن قاتار، ءبىز ارنايى سالىق رەجيمىن قولدانۋ شەگىن تومەندەتۋ بويىنشا ۇسىنىسپەن كەلىسپەيتىنىمىزدى العا تارتامىز»، - دەدى رايىمبەك باتالوۆ.

كاسىپكەرلەرگە وزىندىك قۇنىن تومەندەتۋ ماقساتىندا ۇلتتىق پالاتا الەۋمەتتىك سالىقتى جانە جۇمىس بەرۋشىنىڭ مىندەتتى زەينەتاقى جارنالارىن الىپ تاستاۋ جولىمەن ەڭبەكاقى قورىنا سالىق جۇكتەمەسىن قىسقارتۋدى ۇسىنادى.