– Memleket tarapynan qaýipti indetti taratpaý, turǵyndardyń ál-aýqatyn kóterý úshin aýqymdy jumys atqarylyp jatyr. Degenmen mundaı kezeńde árbir azamat qoldan kelgenshe elge kómektesýi kerek dep esepteımin. Biz bul qıyndyqty birlik pen tártip arqyly jeńemiz, – deıdi Murat Taǵaev.
İsker azamat kúrketaýyq etinen ázirlengen shujyq jáne ózge de ónimderdi partıalyq jobalar aıasynda áleýmettik az qamtylǵan turǵyndarǵa taratý úshin «Biz birgemiz!» aksıasynyń úılestirýshilerine usyndy. Jalpy ónimniń quny 2 mln. teńgeni quraıdy.
Partıa ókilderi men volonterlar, «jasotandyqtar» bul etti aýdan, qalalarda tizimdegi otbasylarǵa aparyp bermek.
Ordabasy aýdany, Badam aýylynda ornalasqan «Ordabasy qus» JSHS búginde Qazaqstannyń birneshe óńirin kúrketaýyq etimen qamtyp otyr. Ónim kólemi de ulǵaıyp keledi. Osy kásiporyndy basqaratyn Murat Taǵaev buǵan deıin de qaıyrymdylyq aksıalaryna úles qosyp, demeýshiligimen tanylǵan. Mesenat azamat, «Nur Otan» partıasynyń múshesi Murat Taǵaevqa jurtshylyqtyń alǵysy mol.
«Nur Otan» partıasy Túrkistan oblystyq fılıalynyń baspasóz qyzmeti
