Týrizm jáne sport ministri Erbol Myrzabosynov fýtboldan Qazaqstan quramasynyń bas bapkeri Stanislav Cherchesovtiń qazaq tilinde suraq qoiǵan jýrnalisti kelemejdeýine qatysty pikir bildirdi, dep habarlaidy Dalanews.kz.
“Árine, Stanislav Cherchesovtiń “frantsýz tiline” qatysty qaljyńy orynsyz boldy. Muny Qazaqstan fýtbol federatsiiasy da, bapkerdiń ózi de jaqsy túsinedi. Degenmen Cherchesovtiń basty mindeti – ulttyq quramany jańa deńgeige shyǵarý. Sondyqtan ony eń aldymen kásibi qyzmetine qarap baǵalaýǵa shaqyramyn”, – dep jazdy ministr áleýmettik jelidegi paraqshasynda.
Sonymen qatar Erbol Myrzabosynov qazaq halqynyń qonaqjailyǵy men darhan minezin atap ótti.
“Bizdi myqty el etetin de osy qasietterimiz. Sondyqtan bul máseleni odan ári órshite bermei, halqymyzǵa tán keńpeiildik tanytýymyz kerek. Kez kelgen daýly máseleni aqyl-parasatpen sheshetin, tolerantty ári órkenietti, iaǵni dana qoǵam ekenimizdi kórsetýimiz qajet”, – dedi ministr.
Ministr Stanislav Cherchesovtiń halyqaralyq deńgeide tanymal fýtbolshy jáne 20 jyldyq tájiribesi bar kásibi bapker ekenin atap ótti.
“Ol qazaqstandyq jankúierlerdiń senimin aqtap, ulttyq quramany qazirgi kúrdeli kezeńnen abyroimen alyp shyǵady dep senemin”, – delingen jazbada.
Aita keteiik, buǵan deiin Stanislav Cherchesov qazaq tilinde suraq qoiǵan jýrnaliske “sen frantsýz tilinde sóilep tursyń ba?” dep kelemejdegeni úshin 738 myń teńge aiyppul salynǵan edi.
