تۋريزم جەنە سپورت مينيسترٸ ەربول مىرزابوسىنوۆ فۋتبولدان قازاقستان قۇراماسىنىڭ باس باپكەرٸ ستانيسلاۆ چەرچەسوۆتٸڭ قازاق تٸلٸندە سۇراق قويعان جۋرناليستٸ كەلەمەجدەۋٸنە قاتىستى پٸكٸر بٸلدٸردٸ, دەپ حابارلايدى Dalanews.kz.
“ەرينە, ستانيسلاۆ چەرچەسوۆتٸڭ “فرانتسۋز تٸلٸنە” قاتىستى قالجىڭى ورىنسىز بولدى. مۇنى قازاقستان فۋتبول فەدەراتسيياسى دا, باپكەردٸڭ ٶزٸ دە جاقسى تٷسٸنەدٸ. دەگەنمەن چەرچەسوۆتٸڭ باستى مٸندەتٸ – ۇلتتىق قۇرامانى جاڭا دەڭگەيگە شىعارۋ. سوندىقتان ونى ەڭ الدىمەن كەسٸبي قىزمەتٸنە قاراپ باعالاۋعا شاقىرامىن”, – دەپ جازدى مينيستر ەلەۋمەتتٸك جەلٸدەگٸ پاراقشاسىندا.
سونىمەن قاتار ەربول مىرزابوسىنوۆ قازاق حالقىنىڭ قوناقجايلىعى مەن دارحان مٸنەزٸن اتاپ ٶتتٸ.
“بٸزدٸ مىقتى ەل ەتەتٸن دە وسى قاسيەتتەرٸمٸز. سوندىقتان بۇل مەسەلەنٸ ودان ەرٸ ٶرشٸتە بەرمەي, حالقىمىزعا تەن كەڭپەيٸلدٸك تانىتۋىمىز كەرەك. كەز كەلگەن داۋلى مەسەلەنٸ اقىل-پاراساتپەن شەشەتٸن, تولەرانتتى ەرٸ ٶركەنيەتتٸ, ياعني دانا قوعام ەكەنٸمٸزدٸ كٶرسەتۋٸمٸز قاجەت”, – دەدٸ مينيستر.
مينيستر ستانيسلاۆ چەرچەسوۆتٸڭ حالىقارالىق دەڭگەيدە تانىمال فۋتبولشى جەنە 20 جىلدىق تەجٸريبەسٸ بار كەسٸبي باپكەر ەكەنٸن اتاپ ٶتتٸ.
“ول قازاقستاندىق جانكٷيەرلەردٸڭ سەنٸمٸن اقتاپ, ۇلتتىق قۇرامانى قازٸرگٸ كٷردەلٸ كەزەڭنەن ابىرويمەن الىپ شىعادى دەپ سەنەمٸن”, – دەلٸنگەن جازبادا.
ايتا كەتەيٸك, بۇعان دەيٸن ستانيسلاۆ چەرچەسوۆ قازاق تٸلٸندە سۇراق قويعان جۋرناليسكە “سەن فرانتسۋز تٸلٸندە سٶيلەپ تۇرسىڭ با?” دەپ كەلەمەجدەگەنٸ ٷشٸن 738 مىڭ تەڭگە ايىپپۇل سالىنعان ەدٸ.
