VimpelCom (TM Beeline) halyqaralyq telekommýnikatsiia kompaniiasy óziniń Ózbekstandaǵy jumysyna qatysty jemqorlyq tekserýdi toqtatýdyń óteýi úshin aiyppul tóleýge daiyn ekenin málimdedi.
Bermýd araldarynda tirkelgen jáne shtab-páteri Gollandiiada ornalasqan kompaniiayń qarjy esebinde VimpelCom AQSh-tyń qundy qaǵazdar men birjalar jónindegi Komissiiasymen, AQSh ádilet ministrligi jáne Gollandiianyń Bas prokýratýraasymen osyndai aldyn-ala kelisimge kelgeni týraly habarlanǵan.
AQSh pen Gollandiia tergeý oryndary negizgi aktsionerleri norvegiialyq Telenor jáne reseilik Altimo kompaniialary bop tabylatyn VimpelCom-nan Ózbekstan prezidentiniń úlken qyzy Gúlnár Karimovaǵa iri kólemde para berdi dep kúdiktenedi.
17 aqpan kúni jariialanǵan VimpelCom-nyń jyldyq esebinde «kompaniianyń Ózbekstandaǵy biznesi jáne onyń Takilant Ltd. kompaniiasymen burynǵy kelisimderine qatysty tergeý» týraly aitylady. Takilant Ltd. firmasy Gúlnár Karimovanyń qurbysy jáne "oń qoly" Gaiana Avakianǵa tiesili.
Kompaniia esebinde: «AQSh-tyń qundy qaǵazdar men birjalar jónindegi Komissiiasymen, AQSh ádilet ministrligi jáne Gollandiianyń Bas prokýratýrasymen qol jetken aldyn-ala kelisimge sáikes, kompaniia men onyń birqatar filialy AQSh-tyń sheteldegi jemqorlyq áreketi týraly Zańyn jáne osyndai gollandiialyq zańdardy buzǵanyn moiyndaidy, soǵan orai AQSh pen Niderlandynyń quzyrly organdaryna aiyppul tóleýge ázir.Bul aqshanyń somasy buǵan deiin jemqorlyq isi týraly tergeý shyǵyndary úshin aldyn-ala bólinip qoiǵan somadan aspaidy», — delinedi.
Byltyr qarashada VimpelCom "ózbek isi" boiynsha aiyppul tóleýi múmkin ekenin eskerip 900 million dollar daiyndap qoiǵanyn habarlaǵan edi.
Ózbekstannyń mobildi balanys naryǵyna shyqqan VimpelCom Ltd., MTS jáne shved-fin kompaniiasy TeliaSoneraǵa qatysty jemqorlyq daýy 2012 týdy. Amerikalyq jáne eýropalyq quqyq qorǵaý organdary atalǵan kompaniialar osy elde jumys isteý úshin Ózbekstan prezidenti Islam Karimovtyń úlken qyzy 1 milliard AQSh dollary kóleminde para berdi degen kúdikpen tergeý amaldaryn bastaǵan edi.
