Astanadaǵy Ońtústik Koreia elshiligine qarasty «Korei mádenieti» ortalyǵynda «Foliant» baspasynan shyqqan «Káris ertegileri» kitabynyń tusaýkeseri ótti.
Káris ertegileri qazaq tiline alǵash ret aýdarylyp otyr. Al oqyrmanǵa jol tartqan týyndynyń avtory – elimizge belgili shyǵystanýshy, aýdarmashy, jergilikti jáne memlekettik basqarý salasynyń mamany Dastan Aqash.
Sońǵy kezderi eki eldiń arasyndaǵy ekonomikalyq hám mádeni bailanystyń tamyryna qan júgirip keledi. Káris ǵalymdary óz kezeginde eki ulttyń arasynda turmysta, bolmysta ózara uqsastyq baryn jii aityp júr. Bálkim, bul uqsastyqtyń tamyry tereńde jatqan bolar? Muny alǵash ret qazaq tiline aýdarylǵan káris ertegilerinen-aq aiqyn ańǵarýǵa bolady.
Tuńǵysh ret qazaq tilinde jaryq kórgen kitaptyń tusaýkeser rásimine eki eldiń diplomattary, onyń ishinde Ońtústik Koreianyń Qazaqstandaǵy elshisi, biznes ókilderi, qalamgerler men BAQ ókilderi qatysty. Kitap avtory Dastan sońǵy jyldary eki el arasyndaǵy mádeni-rýhani bailanystyń nyǵaiýyna aitarlyqtai úles qosyp júr. Dastan qazaq ádebietiniń klassigi M. Áýezovtyń shyǵarmalaryn ( onyń ishinde «Kókserek» áńgimesi) alǵash ret káris tiline tárjimalaǵan talantty aýdarmashy. Avtor munymen shektelmek emes. Ázirgi kúni «qazaqsha-kárisshe», «kárisshe-qazaqsha» sózdik, «Kárisshe-qazaqsha qurylys sózdigin» daiyndap jatqanyn tilge tiek etti. Budan syrt jaqyn kúnderi «Korei biznesi» dep atalatyn eńbegi de jaryq kórmek.
Dýman Tanabasov
