Biraq, memlekettiń qoldaýynyń arqasynda kásipkerlerdiń 90% - dan astamy karantınnen keıin óz bıznesterin qaıta bastady.
"Pandemıaǵa baılanysty aýyr jaǵdaılarǵa qaramastan, shaǵyn jáne orta bıznes sýbektileriniń sany azaıǵan joq jáne 262 myń adam jumys isteıtin 123 myńnan astam kásiporyn jumysyn jalǵastyrýda.
Árıne, munda Bıznestiń jol kartasy, "Eńbek" baǵdarlamasy sheńberinde jáne 15 mlrd.teńgege deıin ulǵaıtylǵan "Damý" Qorynyń qarajaty esebinen memlekettik qoldaý úlken ról atqardy. Kredıtter, granttar, mıkrokredıtter boıynsha paıyzdyq mólsherlemelerdi sýbsıdıalaý túrinde barlyǵy 4 myń kásipker kómek aldy. Daǵdarysqa qarsy jospar aıasynda 119 myń. bıznes sýbektileri salyqtyq yntalandyrýlar aldy, 641 sýbektige 24 mlrd.teńgege nesıeler boıynsha keıinge qaldyrýlar berildi.
Sonymen qatar, 6,5 myń jalǵa alýshyǵa jaldaý aqysy 30% - dan 90% - ǵa deıin tómendetildi»,-dedi oblys basshysy Amandyq Ǵabbasuly halyq aldynda esep berý jıynynda.
Aǵymdaǵy jyly shaǵyn jáne orta bıznesti qoldaýǵa 13 mlrd.teńge jumsaý josparlanyp otyrǵanyn, jalpy óńirlik ónimge SHOB úlesi 34,3% - ǵa deıin artatynyn atap ótý qajet.
