Ulybritaniia premer-ministri Kir Starmer men Kanada úkimetiniń basshysy Mark Karni Palestinany moiyndaǵanyn derlik bir ýaqytta jariialady, dep habarlaidy Dalanews.kz Bild-ke siltep.
Eki saiasatker de bul qadam «eki memleket» sheshimin júzege asyrýǵa jaqyndatady dep esepteidi. Bul Izrailmen qatar beibit ómir súretin táýelsiz palestinalyq memleketti qurýdy bildiredi.
Izrail premer-ministri Biniamin Netaniahý bul bastamany túbegeili joqqa shyǵaryp, palestinalyq memlekettiń qurylýy Izraildiń ómir súrýine qaýip tóndiretinin jáne 2023 jyldyń 7 qazanyndaǵy oqiǵalar úshin HAMAS terroristerine «syiaqy» bolatynyn aitty.
Mark Karnidiń sózinshe, Kanada Palestinany moiyndap, eki el úshin beibit bolashaqty júzege asyrý jolynda seriktestik usynbaq. Resmi moiyndaý kelesi aptada Niý-Iorkte ótetin BUU Bas Assambleiasynyń sessiiasynda júzege asady dep kútilýde.
Kanada men Ulybritaniiadan keiin Frantsiia, Belgiia jáne Jańa Zelandiia da osyndai sheshim qabyldaýdy josparlap otyr. Alaida AQSh pen Germaniia ázirge palestinalyq memleketti moiyndaýdan bas tartyp otyr. Germaniianyń syrtqy ister ministri Iohann Vadefýl qazirgi sátte moiyndaý múmkin emes ekenin, biraq «eki memleket» sheshimi yqtimal bolyp qalýy tiis ekenin atap ótti.
