Men ózimdi jalyndy pantúrkister qataryna qosa almaimyn, biraq Jiriktiń tómendegi sóz unady. Sondaǵy Jirinovskii sóziniń qysqasha maǵynasy mynadai:
«Túrkilerdiń sany 200 million, olar Ármenderdi qaitsyn, tegistep ótedi, odan soń bular keleshekte áskeri odaq quryp, irgemizge keledi. Keiin olar Qytaidyń batys ólkesine basyp kirip, Qytaidy tas-talqanyn shyǵarady. Túrkilerdiń ortaq tili bar. Túrik tili degenimiz – ázirbaijan tili, túrikpen tili, qazaq tili, bashqurt tili, ózbek pen tatar tili, bulardy taǵy din biriktiredi» dep ońdy-soldy oibailady Jirinovskii.
Reseidegi Jirinovskii degenimiz kim? Ol – ómiri ishten tynyp úndemei otyratyn Kremldiń oiyn syrtqa laq etkizip shyǵara salatyn balaboldardyń bireýi. Ol osy sózderimen myna jerde Kremldiń qazirgi jai-kúiin kórsetip otyr.
Menińshe, Máskeý Taýly Qarabaqtaǵy qorqynysh pen úreiden áli óz-ózine kele almai otyr. Pýtin bir shyqty da «biz janjalǵa kiligetindei soǵys Ármeniia territoriiasynda bop jatqan joq qoi» dedi. Ony estip Pashinian tipti túńil ketkeni anyq.
Maskúnem, alqash Eltsinniń ózi kezinde Ármeniiaǵa Taýly Qarabaqty tartyp alyp bergen bolatyn. Al myna jerde «máńgilik», «qudiretti» Pýtin... tómen qarap otyryp qaldy.
Sóz joq, Anadolyny arqalanǵan Ázirbaijan álemge jańa soǵys taktikasyn kórsetti. Bundai soǵysty buryn sońdy kim kórgen ózi..
Soǵys bastala salysymen alǵashqy kúnderi búkil áskeri tehnikasynan aiyrylyp qalyp, tipti sarbazdaryn da tasymaldai qalýǵa shamasy kelmei qalý degen sumdyq qoi. Ármender qazir sóitip kúirep otyr.
Ázirbaijan áskeri jylt etkendi, qylt etkendi drondarymen qaǵyp tastap bas kótertpei jatyr. Al qarsylasyna ol drondardy atyp túsirý degen tipti múmkin emes nárse.
21 ǵasyrdyń soǵysy shamamen osyndai bolmaq... Tankimen mityńdap, BTR-dy jaǵalap, onyń artynan ýralap júgirip, qyratqa talasý degenińiz artta qaldy (Biraq orystar áli solai soǵysady).
Qazirgi soǵystarda kim zamanaýi tehnologiia ielenip kók aspandy bileidi, sol soǵystyń taǵdyryn sheshedi.
Kalashnikov degen orystyń TMD isteri jónindegi bir depýtaty bar-tyn.
Ol buryn Ýkrain janjaly kezinde ózderiniń maqtaly tok shoýlarynda aýyzdary kóbiktenip jurtty sóiletpei baibalam salatyn ońbaǵan impershilerdiń biri edi. Sol keshe jýasyp qalypty.
"Bir úlken soǵys kele jatqan siiaqty elimizge, biraq... Odan soń biz el retinde tarqap ketemiz be, baiaǵyda Sovet úkimeti kúiremei turǵanda, kim oilaǵan ony tarqaidy dep, qazirgi jaǵdaiymyz soǵan uqsap barady. Bizdi bir mezette jan-jaqtan qysa bastady. Belarýs, Ázirbaijan - Ármeniia, Qyrǵyzstan... Buny kezdeisoqtyq dep aitýǵa bolmaidy, tegin emes» dep jelkesin qasydy orystyń impershil depýtaty.
Qysqasy, orys qazir kádimgidei sasqalaqtap otyr.
Oljas ÁBIL
