Qazaqstan Prezidenti Qasym-Jomart Toqaev pen Túrkiia Prezidenti Rejep Taiip Erdoǵan telefon arqyly sóilesti, dep habarlaidy dalanews.kz.
Aqordanyń habarlaýynsha, Rejep Taiip Erdoǵan Qazaqstanda bir palataly Quryltai depýtattaryn sailaý naýqanynyń sátti ótýimen quttyqtap, eki el arasyndaǵy parlamentaralyq bailanysty odan ári nyǵaitýdy usynǵan.
Qasym-Jomart Toqaev óz kezeginde Qazaqstanda júzege asyrylyp jatqan aýqymdy reformalardyń zamanaýi ári ádiletti memleket qurýǵa baǵyttalǵanyn atap ótti.
"Elimizde júrgizilip jatqan aýqymdy reformalar ozyq, zamanaýi ári ádiletti Qazaqstan qurýǵa baǵyttalǵan", – dedi Memleket basshysy.
Prezident Túrkiia basshysyna jyly lebizi úshin jáne sailaý kezinde túrkiialyq baiqaýshylardyń belsendilik tanytqanyna alǵys bildirdi.
Telefon áńgimesi barysynda taraptar Qazaqstan men Túrkiia arasyndaǵy strategiialyq seriktestiktiń qazirgi damý qarqynyn oń baǵalady. Sonymen qatar aldaǵy halyqaralyq is-sharalar kestesi de talqylandy.
Qasym-Jomart Toqaev Rejep Taiip Erdoǵannyń biyl Túrkiiada ótetin joǵary deńgeidegi kezdesýlerge qatysý jónindegi shaqyrýyn qabyl aldy.
