Bul jaiynda búgin Jetisý oblysynyń ákimi Beibit Isabaev Astana qalasynda ótken brifing kezinde aitty, – dep habarlaidy Jetisý oblysy ákiminiń baspasóz qyzmeti.
Agroónerkásip keshenin tiimdi damytý – Jetisý oblysynda basym baǵyttardyń biri. Osy rette biyl oblystyń agroónerkásip keshenin damytýǵa 31,9 mlrd. teńge baǵyttalǵan, sonyń 80%-y, iaǵni 25,4 mlrd. teńgesi – sýbsidiialar.
– Osy jyly aýyl sharýashylyǵy daqyldary 324 myń gektarǵa sebilip, 870 myń tonna astyq jinaldy, ortasha ónimdiligi gektaryna 27 tsentnerden ainaldy. Bul rette biyl jinalǵan dándi daqyldardyń jalpy óniminiń kólemi jaǵynan Jetisý oblysy respýblikada alǵash ret 4-shi kórsetkishke ie bolyp otyr. Aldaǵy eki jyl ishinde óńirde 1 mln. tonna dándi daqyl jinaýǵa tolyq múmkindigimiz bar, – dedi B. Isabaev.
Spikerdiń sózine súiensek, oblysta 120 aýyl sharýashylyǵy ónimin óńdeitin kásiporny jumys isteidi. Olar 10 aida 70,2 mlrd teńgeniń azyq-túligin óndirgen, bul ótken jyldyń sáikes kezeńimen salystyrǵanda 23%-ǵa artyq. Óńirdegi aýyl sharýashylyǵy shikizatynyń shamamen 35 paiyzy oblystaǵy kásiporyndarda qaita óńdeledi.
Sol siiaqty «Iri jobalar» boiynsha aldaǵy eki jylda 25 mlrd teńgege 10 iri joba iske asyrylatyn bolady. Al «Aýyl amanaty» jobasy aiasynda respýblikalyq biýdjetten 3,2 mlrd teńge bólinip, igerildi.
Jetisý oblysy ákiminiń baspasóz qyzmeti.
