بۇل جايىندا بۇگىن جەتىسۋ وبلىسىنىڭ اكىمى بەيبىت يسابايەۆ استانا قالاسىندا وتكەن بريفينگ كەزىندە ايتتى، – دەپ حابارلايدى جەتىسۋ وبلىسى اكىمىنىڭ باسپا ءسوز قىزمەتى.
اگروونەركاسىپ كەشەنىن ءتيىمدى دامىتۋ – جەتىسۋ وبلىسىندا باسىم باعىتتاردىڭ ءبىرى. وسى رەتتە بيىل وبلىستىڭ اگروونەركاسىپ كەشەنىن دامىتۋعا 31،9 ملرد. تەڭگە باعىتتالعان، سونىڭ 80%-ى، ياعني 25،4 ملرد. تەڭگەسى – سۋبسيديالار.
– وسى جىلى اۋىل شارۋاشىلىعى داقىلدارى 324 مىڭ گەكتارعا سەبىلىپ، 870 مىڭ توننا استىق جينالدى، ورتاشا ونىمدىلىگى گەكتارىنا 27 سەنتنەردەن اينالدى. بۇل رەتتە بيىل جينالعان ءداندى داقىلداردىڭ جالپى ءونىمىنىڭ كولەمى جاعىنان جەتىسۋ وبلىسى رەسپۋبليكادا العاش رەت 4ء-شى كورسەتكىشكە يە بولىپ وتىر. الداعى ەكى جىل ىشىندە وڭىردە 1 ملن. توننا ءداندى داقىل جيناۋعا تولىق مۇمكىندىگىمىز بار، – دەدى ب. يسابايەۆ.
سپيكەردىڭ سوزىنە سۇيەنسەك، وبلىستا 120 اۋىل شارۋاشىلىعى ءونىمىن وڭدەيتىن كاسىپورنى جۇمىس ىستەيدى. ولار 10 ايدا 70،2 ملرد تەڭگەنىڭ ازىق-تۇلىگىن وندىرگەن، بۇل وتكەن جىلدىڭ سايكەس كەزەڭىمەن سالىستىرعاندا 23%-عا ارتىق. وڭىردەگى اۋىل شارۋاشىلىعى شيكىزاتىنىڭ شامامەن 35 پايىزى وبلىستاعى كاسىپورىنداردا قايتا وڭدەلەدى.
سول سياقتى «ءىرى جوبالار» بويىنشا الداعى ەكى جىلدا 25 ملرد تەڭگەگە 10 ءىرى جوبا ىسكە اسىرىلاتىن بولادى. ال «اۋىل اماناتى» جوباسى اياسىندا رەسپۋبليكالىق بيۋدجەتتەن 3،2 ملرد تەڭگە ءبولىنىپ، يگەرىلدى.
جەتىسۋ وبلىسى اكىمىنىڭ باسپا ءسوز قىزمەتى.
