Jusan Bank-tyń aktivteri Qazaqstanǵa qaitty
"2021 jyly josparlanǵan is-qimyldardyń nátijesinde Jusan Bank jáne telekommýnikatsiia, aýyl sharýashylyǵy jáne ózge de salalardyń birqatar basqa da iri aktivterin qamtityn Jusan toby sheteldik iýrisdiktsiiaǵa shyǵarylǵany belgili. Qazaqstan úkimeti is júzinde topqa baqylaýdy joǵaltty. Qazaqstan Respýblikasynyń Ádilet ministrligi basqa memlekettik organdarmen birlesip qabyldaǵan sharalardyń nátijesinde Jusan tobyn qazaqstandyq iýrisdiktsiiaǵa qaitarý múmkindigi týdy", - delingen habarlamada.
Ministrlik qajetti qujattarǵa qol qoiylǵanyn málimdedi.
"Top Qazaqstan zańnamasyna sáikes, Úkimettiń jáne basqa da memlekettik qurylymdardyń baqylaýymen jumys isteitin bolady. Jusan Bank qazaqstandyq bilim berý uiymdaryn qarjylandyrýdy jalǵastyrý boiynsha mindettemelerdi ózine aldy. Bank buryn alǵan memlekettik kómek merziminen buryn qaitarylady. Memleket basshysynyń shyǵarylǵan aktivterdi qaitarý týraly tapsyrmalaryn iske asyrý jalǵasady", - dep málim etti vedomstvo.
Óz kezeginde Májilis depýtaty Samat Nurtaza Jańa Qazaqstannyń osyndai igi ister qurylatynyn atap ótti.
"Osyndai memleketshil, halyqshyl, qoǵamshyl áreketter - tutas Qazaqstannyń sotsiýmyn biriktiredi. Prezidentimiz Qasym-Jomart Kemeluly Toqaev Bas Prokýratýraǵa tapsyrma berdi - mine tapsyrma oryndaldy. Árine aldyda taǵy qyrýar jumys jatyr. Izdestirý, tabý, anyqtaý, dáleldeý.
