Qazaqstanda 2030 jylǵa qarai zeinetaqy aktivteriniń 20-30%-yn otandyq jeke kompaniialardyń basqarýyna berý josparlanyp otyr. Bul bastama Qarjy naryǵyn retteý jáne damytý agenttigi men Ulttyq bank birlesip ázirlegen kapital naryǵyn damytý baǵdarlamasynda qarastyrylǵan, dep habarlaidy dalanews.kz.
Bul týraly Qarjy naryǵyn retteý jáne damytý agenttigi tóraǵasynyń orynbasary Nurjan Tursynhanov halyqaralyq investorlarmen kezdesý barysynda málimdedi.
Baǵdarlamaǵa sáikes, Ulttyq bank zeinetaqy aktivteriniń bir bóligin litsenziiasy bar jeke basqarýshy kompaniialarǵa kezeń-kezeńimen berýdi josparlap otyr. Kompaniialar konkýrstyq negizde irikteledi.
Alǵashqy kezeńde jeke basqarýshylarǵa memlekettik baǵaly qaǵazdar portfelin senimgerlik basqarýǵa berý kózdelgen.
Jeke kompaniialarǵa táýekelderdi basqarý, ishki baqylaý jáne aqparatty ashý boiynsha biryńǵai talaptar qoiylady. Sonymen qatar zeinetaqy aktivteri basqarýshy uiymdardyń óz qarajatynan bólek esepke alynyp, táýelsiz kastodianda saqtalady.
Jospar boiynsha 2030 jylǵa qarai otandyq jeke kompaniialardyń basqarýyndaǵy zeinetaqy aktivteriniń úlesi 20-30%-ǵa jetýi tiis.
Bul ózgeris ne úshin qajet?
2030 jylǵa deiingi kapital naryǵyn damytý baǵdarlamasy Qazaqstandaǵy qor naryǵyn jetildirýge jáne investitsiialyq múmkindikterdi keńeitýge baǵyttalǵan.
Atap aitqanda, baǵdarlama aiasynda otandyq biznestiń qarjy tartý múmkindikterin keńeitý, baǵaly qaǵazdarǵa degen suranysty arttyrý, qor naryǵynyń ótimdiligin ulǵaitý jáne investorlardyń quqyqtaryn qorǵaýdy kúsheitý kózdelgen.
Sondai-aq zeinetaqy aktivterin basqarý salasynda básekelestikti damytý josparlanyp otyr.
Qazaqstandyqtardyń zeinetaqy jinaqtary ne bolady?
Josparlanǵan ózgerister zeinetaqy jinaqtaryn jeke kompaniialardyń menshigine berý degendi bildirmeidi. Kompaniialarǵa aktivterdiń belgili bir bóligin investitsiialyq turǵydan basqarý quqyǵy ǵana beriledi.
Bul rette zeinetaqy qarajaty basqarýshy uiymdardyń menshikti aktivterinen bólek saqtalady.
Osylaisha, zeinetaqy jinaqtary burynǵydai zeinetaqy aktivteri bolyp qala beredi. Alaida olardyń bir bóligine qatysty investitsiialyq sheshimderdi litsenziiasy bar jeke basqarýshy kompaniialar qabyldaidy.
Jańa tásil otandyq kapital naryǵyn damytýǵa jáne zeinetaqy aktivterin basqarýǵa kásibi qatysýshylardy kóbirek tartýǵa baǵyttalǵan.
