Aqtóbe oblysy ákimi Ońdasyn Orazalin tártip saqshylarynyń eskertýin elemei, aq tútek boranda aýdan aralaýǵa shyǵady. Al tilshiler mingen «Toiota hais» qatty jyldamdyqpen júiitkigen ákim kóligine ere almai, tóńkerilip ortan jolda qalypty.
– Ákim mingen kóliktiń aldynda patrýldik politsiia mashinasy boldy. Jýrnalister mingen shaǵyn avtobýs avtokólik artynda qalyp qoiǵan. Aýa raiynyń qolaisyzdyǵy men júrgizýshi kólik tizginine ie bola almaǵannan keiin osyndai jol kólik oqiǵasy tirkeldi, – dep Aqtóbe oblysy ákimi apparatynyń jetekshisi Nurjaýǵan Qalaýov túsinikteme beripti.
Aýdarylǵan kólikte aimaqtaǵy úsh redaktsiianyń tilshileri men oblys ákimi baspasóz qyzmetiniń ókilderi bolǵan.
Sheneýnikter sol kúni «jol ashyq boldy» dep ákimge shań jýytpaýda. Biraq muny kólikte bolǵan jýrnalister de, jaýapty mekeme ókilderi de joqqa shyǵarýdy. Tártip saqshylary jol boiynda olardy úsh ret toqtatyp, eskertý de jasaǵan.
Biraq ákimniń baspasóz hatshysy bastyǵynyń sońynan qalmai júrýdi buiyryp, júrgizýshniń jyldamdyqty asyrýyn talap etken. Budan keiin kólik júrgizýshi jyldamdyqty arttyryp, sońy jol kólik oqiǵasyna ulasqan.
Apattyń qatty bolǵany sonsha, bir tilshini terezeden birneshe metrge ushyp ketken. Qazir kólik júrgizýshisi aýyr hálde. Taǵy bir jýrnalist oblystyq aýrýhanada em alyp jatyr. Al Ońdasyn Orazalin saparǵa birge shyqqandardyń apatqa ushyraǵanyn bile tura, artyna qaiyrylmastan kete barypty.
