Jýrnalist Aidos Sadyqovty Ýkrainada óltirip ketkender jasyryn páterde otyr, - dep habarlaidy Dalanews.kz.
Bul týraly jýrnalistiń áieli Natalia Sadyqovaǵa Qazaqstannyń arnaiy qyzmetindegi insaiderler habarlaǵan. Derekkóz málimetinshe, Sadyqovty óltirdi degen kúdiktiler Astanada jasyryn páterde otyr.
Insaider Sadyqovaǵa jasyryn páterdiń mekenjaiyn da aityp bergen. Áńgime eki kúdikti Meiram Qarataev pen Altai Jaqanbaev týraly bolmaq.
Eske salaiyq, buǵan deiin Aidos Sadyqovqa qastandyq jasaǵan Jaqanbaevqa qatysty tyń derek paida bolǵan edi.
"Respýblika" mediasynyń insaiderlik aqparatyna sáikes, jýrnaliske qastandyq jasady degen Jaqanbaevqa Ulttyq qaýipsizdik komitetiniń tergeý izoliatorynda VIP jaǵdai jasalǵan.
"Oǵan bar jaǵdai jasalǵan. Onyń ústine oǵan qatysty tergeý amaldary júrip jatqan joq, júrgizilmegen de... Al jýrnalisti óltirdi degen eń basty kúdikti Meiram Qarataev bastapqyda Altai Jaqanbaevpen birge Túrkiiaǵa ushyp ketken. Qazir ol basqa adamnyń atyn jamylyp, sol jerde tyǵylyp júrgen bolýy múmkin. Biraq bizdiń derekkózderdiń málimetinshe, ol ólip qalǵan bolýy da múmkin", - deidi "Respýblika" insaiderleri.
Qarataevty óltirgen adamǵa qatysty eki túrli boljam bar eken.
"Birinshi boljam boiynsha ol - Aidos Sadyqovty óltirý boiynsha arnaiy operatsiiany uiymdastyrǵandardyń adamy, al ekinshiden, Qarataevty óltirgen Jaqanbaevtyń ózi bolýy múmkin. Bizdiń boljam boiynsha, birinshi nusqa ras bolýy múmkin. Altai Jaqanbaevtyń da ólip ketý qaýpi bar edi, alaida ol elge kelip, ózi berilip, aman qalǵan", - deidi "Respýblikadaǵylar".
Eske salaiyq,18 maýsymda Kievte "BASE" basylymynyń basshysy Aidos Sadyqovqa qastandyq jasalǵan bolatyn.
2 shildede Kievte qazaqstandyq jasalǵan jýrnalist Sadyqov qaitys bolǵan edi.
Aidos Sadyqov Ýkrainada resmi bosqyn mártebesin alǵan. Al 2023 jyldyń qazan aiynda Sadyqovqa Qazaqstanda "áleýmettik, ulttyq, rýlyq, tektik-toptyq nemese dini alaýyzdyqty qozdyrǵany" úshin izdeý jariialanǵan bolatyn.
