جۋرناليست ايدوس سادىقوۆتى ۋكراينادا ءولتىرىپ كەتكەندەر جاسىرىن پاتەردە وتىر، - دەپ حابارلايدى Dalanews.kz.
بۇل تۋرالى ءجۋرناليستىڭ ايەلى ناتاليا سادىقوۆاعا قازاقستاننىڭ ارنايى قىزمەتىندەگى ينسايدەرلەر حابارلاعان. دەرەككوز مالىمەتىنشە، سادىقوۆتى ءولتىردى دەگەن كۇدىكتىلەر استانادا جاسىرىن پاتەردە وتىر.
ينسايدەر سادىقوۆاعا جاسىرىن پاتەردىڭ مەكەنجايىن دا ايتىپ بەرگەن. اڭگىمە ەكى كۇدىكتى مەيرام قاراتايەۆ پەن التاي جاقانبايەۆ تۋرالى بولماق.
ەسكە سالايىق، بۇعان دەيىن ايدوس سادىقوۆقا قاستاندىق جاساعان جاقانبايەۆقا قاتىستى تىڭ دەرەك پايدا بولعان ەدى.
"رەسپۋبليكا" مەدياسىنىڭ ينسايدەرلىك اقپاراتىنا سايكەس، جۋرناليسكە قاستاندىق جاسادى دەگەن جاقانبايەۆقا ۇلتتىق قاۋىپسىزدىك كوميتەتىنىڭ تەرگەۋ يزولياتورىندا VIP جاعداي جاسالعان.
"وعان بار جاعداي جاسالعان. ونىڭ ۇستىنە وعان قاتىستى تەرگەۋ امالدارى ءجۇرىپ جاتقان جوق، جۇرگىزىلمەگەن دە... ال ءجۋرناليستى ءولتىردى دەگەن ەڭ باستى كۇدىكتى مەيرام قاراتايەۆ باستاپقىدا التاي جاقانبايەۆپەن بىرگە تۇركياعا ۇشىپ كەتكەن. ءقازىر ول باسقا ادامنىڭ اتىن جامىلىپ، سول جەردە تىعىلىپ جۇرگەن بولۋى مۇمكىن. ءبىراق ءبىزدىڭ دەرەككوزدەردىڭ مالىمەتىنشە، ول ءولىپ قالعان بولۋى دا مۇمكىن"، - دەيدى "رەسپۋبليكا" ينسايدەرلەرى.
قاراتايەۆتى ولتىرگەن ادامعا قاتىستى ەكى ءتۇرلى بولجام بار ەكەن.
"ءبىرىنشى بولجام بويىنشا ول - ايدوس سادىقوۆتى ءولتىرۋ بويىنشا ارنايى وپەراسيانى ۇيىمداستىرعانداردىڭ ادامى، ال ەكىنشىدەن، قاراتايەۆتى ولتىرگەن جاقانبايەۆتىڭ ءوزى بولۋى مۇمكىن. ءبىزدىڭ بولجام بويىنشا، ءبىرىنشى نۇسقا راس بولۋى مۇمكىن. التاي جاقانبايەۆتىڭ دا ءولىپ كەتۋ ءقاۋپى بار ەدى، الايدا ول ەلگە كەلىپ، ءوزى بەرىلىپ، امان قالعان"، - دەيدى "رەسپۋبليكاداعىلار".
ەسكە سالايىق،18 ماۋسىمدا كييەۆتە "باسە" باسىلىمىنىڭ باسشىسى ايدوس سادىقوۆقا قاستاندىق جاسالعان بولاتىن.
2 شىلدەدە كييەۆتە قازاقستاندىق جاسالعان جۋرناليست سادىقوۆ قايتىس بولعان ەدى.
ايدوس سادىقوۆ ۋكراينادا رەسمي بوسقىن مارتەبەسىن العان. ال 2023 جىلدىڭ قازان ايىندا سادىقوۆقا قازاقستاندا "الەۋمەتتىك، ۇلتتىق، رۋلىق، تەكتىك-توپتىق نەمەسە ءدىني الاۋىزدىقتى قوزدىرعانى" ءۇشىن ىزدەۋ جاريالانعان بولاتىن.
