Jýrnalist Ashat Sadyrbai ózine qatysty qylmystyq is qozǵalǵanyn joqqa shyǵaryp, málimdeme jasady, dep habarlaidy Dalanews.kz.
Jýrnalistiń sózinshe, ol aqparattyq shabýylǵa tap boǵlan.
"Biraz adam alańdap habarlasyp jatyr. Maǵan 4 ai buryn "qylmystyq is" qozǵalypty-mys. Eń qyzyǵy – men odan múldem habarsyzbyn jáne ony men quzyrly organ ókilderinen emes, memleketten tender alyp, trafikterin tekserilmegen "ósek ańdarmen" kóteretin, faktchekingiti bilmeitin beishara saittardan bildim. Bul saittardyń artynda kim turǵanyn jáne olar kimniń tapsyrmasymen jazyp otyrǵanyn jaqsy bilemin. Kóp uzamai olarǵa da betashar jasaimyz!", - deidi jýrnalist.
Ashat Sadyrbaidyń sózinshe, ózine taǵylǵan aiyptar boiynsha ótken jyly sot ótken.
"Bul saittardyń tirligi onyń ar jaǵynda otyrǵan sýǵa ketken pendelerdiń tal qarmaýy. Bul aiyptaýlarǵa qatysty ótken jyly sot bolǵan. Onyń barlyq satysynan ótip, meniń mundai áreket jasamaǵanym zańmen dáleldengen. Sot sheshimi shyqqan. Biraq aiyptaýshy tarap sot sheshimin oryndamai júrgenine jarty jyl boldy. Sál sabyr etińizder. Eshqandai jalǵan aqparatqa senbeńizder! Qoldaýlaryńyzǵa rahmet!", - deidi jýrnalist.
Eske salaiyq, Ashat Sadyrbaiǵa qatysty qylmystyq is qozǵalǵanyn tergeý organdary rastaǵan bolatyn. Isti Astana qalasy Politsiia departamentiniń Esil aýdandyq politsiia basqarmasy júrgizip jatyr.
