Almaty joldaryna jasyryn patrýlder shyqty, dep habarlaidy Dalanews.kz.
Bul - patrýldik politsiia qyzmetkerleriniń azamattyq kiimde, arnaiy belgileri joq kóliktermen jalpy kóliktermen birge qozǵalyp, qyzmet atqarýyn bildiredi.
Negizgi maqsat - jol qozǵalysy erejelerin óreskel buzý derekterin anyqtaý. Olardyń qatarynda kúrt jolaq aýystyrý, "shahmat" tásilimen júrý, basqa kólikterdi qysyp ótý jáne jol apaty jaǵdaiyn týyndatý sekildi qaýipti áreketter bar.
"Jasyryn patrýlder aqparatty naqty ýaqyt rejiminde jaqyn mańdaǵy patrýldik politsiia ekipajdaryna joldaidy. Keiin sol ekipajdar kólikti toqtatyp, júrgizýshini zańnamada belgilengen tártippen jaýapkershilikke tartady. Bul tájiribe óziniń tiimdiligin kórsetti. Ótken demalys kúnderiniń ózinde Almaty qalasynda 28 derek anyqtaldy. Barlyq quqyqbuzýshy jaýapkershilikke tartyldy", – dedi PD ákimshilik politsiia basqarmasynyń bastyǵy Ábdinur Tasybaev.
