الماتى جولدارىنا جاسىرىن پاترۋلدەر شىقتى، دەپ حابارلايدى Dalanews.kz.
بۇل - پاترۋلدىك پوليسيا قىزمەتكەرلەرىنىڭ ازاماتتىق كيىمدە، ارنايى بەلگىلەرى جوق كولىكتەرمەن جالپى كولىكتەرمەن بىرگە قوزعالىپ، قىزمەت اتقارۋىن بىلدىرەدى.
نەگىزگى ماقسات - جول قوزعالىسى ەرەجەلەرىن ورەسكەل بۇزۋ دەرەكتەرىن انىقتاۋ. ولاردىڭ قاتارىندا كۇرت جولاق اۋىستىرۋ، "شاحمات" تاسىلىمەن ءجۇرۋ، باسقا كولىكتەردى قىسىپ ءوتۋ جانە جول اپاتى جاعدايىن تۋىنداتۋ سەكىلدى ءقاۋىپتى ارەكەتتەر بار.
"جاسىرىن پاترۋلدەر اقپاراتتى ناقتى ۋاقىت رەجيمىندە جاقىن ماڭداعى پاترۋلدىك پوليسيا ەكيپاجدارىنا جولدايدى. كەيىن سول ەكيپاجدار كولىكتى توقتاتىپ، جۇرگىزۋشىنى زاڭنامادا بەلگىلەنگەن تارتىپپەن جاۋاپكەرشىلىككە تارتادى. بۇل تاجىريبە ءوزىنىڭ تيىمدىلىگىن كورسەتتى. وتكەن دەمالىس كۇندەرىنىڭ وزىندە الماتى قالاسىندا 28 دەرەك انىقتالدى. بارلىق قۇقىقبۇزۋشى جاۋاپكەرشىلىككە تارتىلدى"، – دەدى پد اكىمشىلىك پوليسيا باسقارماسىنىڭ باستىعى ءابدىنۇر تاسىبايەۆ.
