Vitse-premer Qanat Bozymbaev «Qazaqmys korporatsiiasy» JShS basshylyǵymen keńes ótkizdi. «Qazaqmys» qaza tapqandardyń otbasylaryna barlyq qajetti qarjylyq kómek kórsetip, sondai-aq olardyń nesie qaryzdaryn óteidi, dep habarlaidy Dalanews.kz.
«Qaza tapqandardyń ǵana emes, olardyń otbasy músheleriniń de qaryzdary men nesielerin óteý qalypty jaǵdai. Sizder otbasylardyń jaǵdaiyn muqiiat saralap, balalardy, onyń ishinde kámeletke tolmaǵandardy oqytýǵa ketetin shyǵyndardy jabýlaryńyz kerek», — dedi Qanat Bozymbaev.
Al respýblikalyq biýdjetten asyraýshysynan aiyrylý boiynsha memlekettik járdemaqy, saqtandyrý tólemderi qarastyrylǵan jáne jerleý shyǵyndary óteledi. Vitse-premer tólemderdi keshiktirmeýdi tapsyrdy. Tiisti tergeýlerden keiin shahtada «Qazaqmys korporatsiiasy» JShS-de kelisimsharttyq mindettemeler qaita qaralatyn bolady.
«Tergeý onyń qaýipti nemese qaýipsizdigin kórsetpeiinshe, shahtadaǵy jumysty qaita bastaý týraly oilamańyz. Júie men tásilderdi túbegeili ózgertý qajet, biz memleket tarapynan olardy qataitatyn bolamyz. Ónerkásiptik qaýipsizdik komiteti quryldy, biz zańnamany ózgertemiz. Qazir Parlamentte tiisti zań jobasy qaralýda, osy zań jobasy sheńberinde Tótenshe jaǵdailar ministrligine qosymsha ókilettikter beriletin bolady. Mundai jazataiym oqiǵalardy aldyn alý úshin biz bar kúshimizdi salamyz. Memleket basshysy tergeýdi muqiiat júrgizýdi tapsyrdy. Bul quqyq qorǵaý organdarynyń saraptamalary, ónerkásiptik qaýipsizdik komitetiniń tergeýi, sondai-aq sizdiń eńbek inspektorlaryńyzdyń tekserýleri. Sizdiń mindetińiz – osy tótenshe jaǵdaiǵa kimniń jol bergenin anyqtaý», — dedi Qanat Bozymbaev kompaniia basshylyǵyna.
Eske salaiyq, buǵan deiin Ulytaý oblysynda shahta opyrylyp, jeti qyzmetker qaza tapqanyn habarlaǵan edik.
Jańaarqa aýdanyndaǵy "Qazaqmys" korporatsiiasyna qarasty "Jomart" kenishindegi shahtada taý-ken massasy opyryldy. Búgin qutqarýshylar jeti jumysshynyń denesin tapty.
Kabelder úzilýine bailanysty jumysshylarmen bailanys ta úzildi. Avariialyq-qutqarý jumystaryna Ulytaý jáne Qaraǵandy oblystarynyń TJD kúshteri men quraldary, apattar meditsinasy ortalyǵynyń qyzmetkerleri jáne TJM psihologtary jumyldyryldy.
Premer-ministr Oljas Bektenovtiń tapsyrmasy boiynsha Ulytaý oblysy Jańaarqa aýdanyndaǵy shahtadaǵy jaǵdaidyń sebepterin tergeý jáne zardap shekkenderge kómektesý jónindegi arnaiy komissiia quryldy. Komissiiany premer-ministrdiń orynbasary Qanat Bozymbaev basqardy.
Bul derekke qatysty Politsiia departamenti málimdeme jasady.
Atalǵan fakti boiynsha QR QK-niń 277-babynyń 3-bóligi «Taý-ken nemese qurylys jumystaryn júrgizý kezinde qaýipsizdik erejelerin buzý» boiynsha is qozǵaldy. Oqiǵa ornynda Ulytaý oblysynyń politsiia departamentiniń jedel-tergeý toptary jumys istep jatyr. Qazirgi ýaqytta barlyq qajetti tergeý amaldary júrgizilip jatyr.
"Jomart" kenishi - Jezqazǵan qalasynan ońtústik-shyǵysqa qarai 130 shaqyrym jerde ornalasqan. Onda mys sýlfidi óndiriledi. "Qazaqmys" korporatsiiasynyń iri aktsioneri - Kazakhmys Copper.
