Aimaq basshysy aldymen "Kezbi" JShS óndiristik aimaǵyna, budan keiin "Burǵylaý" JShS 7507 uńǵymasyndaǵy burǵylaý qondyrǵysyna jáne "Kezbi" JShS 9422 uńǵymasyna, sondai-aq "Ózenmunaigaz"AQ-nyń burǵylaý jumystaryn basqarý óndiristik bazasyna bardy.
Nurlan Noǵaev oblystaǵy kásiporyndarda eńbek qaýipsizdigi zańnamasynda belgilengen erejeler men talaptardy saqtaý qajettigine basa nazar aýdardy.
– Ýákiletti organdar kelip túsetin kez kelgen habarlamalarǵa ýaqtyly den qoiýǵa, eńbek qaýipsizdigi jáne eńbekti qorǵaý salasynda týyndaityn árbir máseleni tarazylap jáne ádil qaraýǵa tiis. Jumys berýshiler úshin jumysshylardyń óndiristegi jaǵdailary neǵurlym jaqsy jáne qaýipsiz bolsa, kásiporyn soǵurlym tiimdi jumys isteitinin túsiný mańyzdy. Qyzmetkerler óz kezeginde kásiporynnyń turaqty jáne senimdi jumys isteýi úshin barynsha kúsh salýy kerek, – dep atap ótti Nurlan Noǵaev.
Jumys saparynyń qorytyndysy boiynsha óńir basshysy jaýapty tulǵalarǵa birqatar naqty tapsyrmalar berdi.
