ايماق باسشىسى الدىمەن "كەزبي" ج ش س وندىرىستىك ايماعىنا، بۇدان كەيىن "بۇرعىلاۋ" ج ش س 7507 ۇڭعىماسىنداعى بۇرعىلاۋ قوندىرعىسىنا جانە "كەزبي" ج ش س 9422 ۇڭعىماسىنا، سونداي-اق "وزەنمۇنايگاز"اق-نىڭ بۇرعىلاۋ جۇمىستارىن باسقارۋ وندىرىستىك بازاسىنا باردى.
نۇرلان نوعايەۆ وبلىستاعى كاسىپورىنداردا ەڭبەك قاۋىپسىزدىگى زاڭناماسىندا بەلگىلەنگەن ەرەجەلەر مەن تالاپتاردى ساقتاۋ قاجەتتىگىنە باسا نازار اۋداردى.
– ۋاكىلەتتى ورگاندار كەلىپ تۇسەتىن كەز كەلگەن حابارلامالارعا ۋاقتىلى دەن قويۋعا، ەڭبەك قاۋىپسىزدىگى جانە ەڭبەكتى قورعاۋ سالاسىندا تۋىندايتىن ءاربىر ماسەلەنى تارازىلاپ جانە ءادىل قاراۋعا ءتيىس. جۇمىس بەرۋشىلەر ءۇشىن جۇمىسشىلاردىڭ وندىرىستەگى جاعدايلارى نەعۇرلىم جاقسى جانە ءقاۋىپسىز بولسا، كاسىپورىن سوعۇرلىم ءتيىمدى جۇمىس ىستەيتىنىن ءتۇسىنۋ ماڭىزدى. قىزمەتكەرلەر ءوز كەزەگىندە كاسىپورىننىڭ تۇراقتى جانە سەنىمدى جۇمىس ىستەۋى ءۇشىن بارىنشا كۇش سالۋى كەرەك، – دەپ اتاپ ءوتتى نۇرلان نوعايەۆ.
جۇمىس ساپارىنىڭ قورىتىندىسى بويىنشا ءوڭىر باسشىسى جاۋاپتى تۇلعالارعا ءبىرقاتار ناقتى تاپسىرمالار بەردى.
