Biyl elimizde Memleket basshysynyń Jarlyǵymen «Jumysshy mamandyqtar jyly» dep jariialandy. Túrkistan oblysy ákiminiń orynbasary Beisenbai Tájibaevtyń tóraǵalyǵymen ótken mańyzdy basqosýda osy baǵytta atqarylatyn josparlar tanystyrylyp, óndiristik jáne áleýmettik salalarda jumysshy mamandyqtarynyń imidjin kóterý úshin túrli sharalar ótkiziletini aityldy, - dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
"Óńir basshysy Nuralhan Oralbaiuly aimaqta ashylǵan jáne endi ashylatyn óndiris oryndarynda jumys isteitin jastardy daiarlaýdy tapsyrdy. Osy másele basty nazarda bolýy tiis. Túrkistan oblysynda «Jumysshy mamandyqtar jylyn» jylyn ótkizý jónindegi óńirlik jospar bekitildi. Jospar 7 baǵyt, 64 qadamnan turady. Basty mindetimiz – jumysshy kadrlardy daiarlaý júiesin jetildirý, jumys berýshilerdiń jumysshy mamandyqtary kadrlaryn daiarlaýǵa jáne qoldaýǵa qatysýyn arttyrý jáne imidjin kóterý. Salalyq basqarmalar, aýdandyq, qalalyq ákimdikter men tehnikalyq jáne kásiptik bilim berý uiymdary birlese jumys atqarady. Sonymen qatar salalyq basqarmalar men ákimdikter ózderiniń josparlaryn jasap, áleýmettik baǵdarlamalar arqyly jumysshylarǵa qoldaý kórsetedi. Óńirdiń eńbek naryǵyna bolashaqtaǵy suranysqa ie «Mamandyqtar atlasy» jasalady. Osy baǵyttaǵy jumystardy kúsheitýimiz kerek", – dedi Beisenbai Dáýletuly.
Túrkistan oblysy bilim basqarmasy basshysynyń orynbasary Aigúl Qasymbekova osy baǵyt boiynsha atqarylyp jatqan jumystardy baiandady. Onyń aitýynsha, kásiporyndarda-kásibi baǵdar, orta, iri biznes ókilderiniń qatysýymen ashyq esik kúnderi jáne «Bos jumys oryndary» jármeńkeleri men ekskýrsiialar uiymdastyrylady. «Mamandyk Fest» festivali, «Mamandyqtar jármeńkesi», «Dýbler kúni» jobasy, «One School One Skill» (bir mektep - bir daǵdy) jobasy, «Jas SkillsTurkistan», «Junior Skills Turkistan» kásibi sheberlik konkýrstary men pándik olimpiadalar qolǵa alyndy. Jastardyń arasynda «Jumysshynyń bir kúni» aimaqtyq jumysshy mamandyqtar jármeńkesi, «Jumysshy mamandyǵy – tabysty bolashaqtyń kilti» forýmy, «Men kásipkermin!» oblystyq konkýrs, «NaýryzFEST», festivali, «Biznesideia» baiqaýy, «Chempiondar» jáne «Eńbek kýbogy» spartakiadalary jáne taǵy basqa is-sharalar jyl boiy ótkiziledi.
Sonymen qatar biyl «Bir kolledj – bir ónim» dep atalatyn joba engize otyryp, 5 kolledjdiń bazasynda tsehtar ashyp, kishi kásiporyndarǵa ainaldyrý jumysy atqarylaýda. Bilikti jumysshy maman daiyndaýdyń quraly bolyp sanalatyn dýaldy oqytý qolǵa alynǵan. Búgingi tańda, 35 kolledjde dýaldyq oqytý júiesimen 64 mamandyq boiynsha 654 orta jáne kishi kásiporynnyń qatysýymen 10 353 bilim alýshy qamtylǵan.
Investorlar men kásiporyndardyń suranysy negizinde jańa mamandyqtardy ashý boiynsha jumystar júrgiziledi. Mektepterde 10 beiindik synyptar jáne qosymsha bilim berý uiymdarynda tehnikalyq klýbtar ashylady. Kolledjderge rebrending jasaý, iaǵni bilim mekemeleriniń imidjin kóterý jáne jumys berýshilermen yntymaqtastyqty nyǵaitý jumystary júrgiziledi.
2024-2025 oqý jylynda 15 525 memlekettik tapsyrys ornalastyrylǵan. Onyń ishinde 8 678-i – jumysshy mamandyqtary. 2025-2026 oqý jylyna 15500 memlekettik tapsyrys josparlanǵan. Sonyń ishinde jumysshy mamandyqtarynyń sanyn 9500-ge ulǵaitý josparlanyp otyr.
