Jumysshy mamandyqtar jyly: I. Jansúgirov atyndaǵy Jetisý ýniversitetinde dóńgelek ústel ótti

Búgin Iliias Jansúgirov atyndaǵy Jetisý ýniversitetinde Jumysshy mamandyqtar jyly aiasynda oblystyq dóńgelek ústel ótti, - dep habarlaidy Dalanews.kz.

Dóńgelek ústel QR Ǵylym jáne joǵary bilim ministri Saiasat Nurbektiń kirispe sózimen ashyldy.

«2025 jyl – Jumysshy mamandyqtar jyly bolyp jariialandy. Memleket basshysynyń bul bastamasy – elimizdiń áleýmettik-ekonomikalyq damýy úshin mańyzdy», – dedi vedomstvo basshysy.

Sondai-aq, ministr eńbek naryǵy men qoǵam suranysyna sai kadr daiyndaýdyń, erte jastan kásiptik baǵdar berýdiń mańyzyn atap ótti.

Dóńgelek ústelge Jetisý oblysy ákiminiń orynbasary Marlen Kólbaev, Jetisý oblysy bilim basqarmasy basshysynyń orynbasary Áli Soltanbekov, «Mamandyǵym-bolashaǵym» keńsesiniń basshysy Oljas Sákenov, Jetisý oblysynyń kolledj direktorlary men BAQ ókilderi qatysty.

I. Jansúgirov atyndaǵy Jetisý ýniversitetiniń Basqarma tóraǵasy - rektor Ermek Bóribaev «Mamandyǵym – bolashaǵym» jobasynyń taǵy bir mindetteriniń biri – oqýshylarǵa, stýdentterge erte kásiptik baǵdar berý ekenin basa aitty.

«Jetisý ýniversitetiniń bazasynda 2023 jyly óńirlik jobalyq keńse qurylyp, ýniversitet qyzmetkerleri forsait-zertteý kýrsynan ótti. Olar Jetisý oblysynda kadr tapshylyǵynyń óńirlik kartasyn ázirlep, óńirge qajetti bes baǵytty anyqtady», - degen rektor salalyq sarapshy retinde óńirlik kartany ázirleýge at salysqan kolledj direktorlaryna alǵys bildirdi.

Ýniversitettiń Akademiialyq máseleler jónindegi departament basshysy Ǵaliia Kydyrbaeva, Tirkeý ofisi direktory Nazym Janatbekova, Zhansugurov College oqytýshysy, Jetisý oblysy boiynsha Enactus komandalarynyń koordinator-edvaizeri Erik Beisenbekov Jetisý óńirindegi kadrlar qajettiligi, kredittik oqytý tehnologiiasyn engizý t.b taqyryptary boiynsha baiandama jasady.

Jiynda «Mamandyǵym – bolashaǵym» jobalyq keńsesiniń jergilikti ákimdikpen birlese ázirlegen «Jetisý oblysynyń mamandarǵa qajettiliginiń óńirlik kartasynyń» tusaýy kesildi.