بۇگىن ءىلياس جانسۇگىروۆ اتىنداعى جەتىسۋ ۋنيۆەرسيتەتىندە جۇمىسشى ماماندىقتار جىلى اياسىندا وبلىستىق دوڭگەلەك ۇستەل ءوتتى، - دەپ حابارلايدى Dalanews.kz.
دوڭگەلەك ۇستەل ق ر عىلىم جانە جوعارى ءبىلىم ءمينيسترى ساياسات نۇربەكتىڭ كىرىسپە سوزىمەن اشىلدى.
جەتىسۋ وبلىسى اكىمدىگىنىڭ باسپا ءسوز قىزمەتى
«2025 جىل – جۇمىسشى ماماندىقتار جىلى بولىپ جاريالاندى. مەملەكەت باسشىسىنىڭ بۇل باستاماسى – ەلىمىزدىڭ الەۋمەتتىك-ەكونوميكالىق دامۋى ءۇشىن ماڭىزدى»، – دەدى ۆەدومستۆو باسشىسى.
سونداي-اق، مينيستر ەڭبەك نارىعى مەن قوعام سۇرانىسىنا ساي كادر دايىنداۋدىڭ، ەرتە جاستان كاسىپتىك باعدار بەرۋدىڭ ماڭىزىن اتاپ ءوتتى.
دوڭگەلەك ۇستەلگە جەتىسۋ وبلىسى اكىمىنىڭ ورىنباسارى مارلەن كولبايەۆ، جەتىسۋ وبلىسى ءبىلىم باسقارماسى باسشىسىنىڭ ورىنباسارى ءالي سولتانبەكوۆ، «ماماندىعىم-بولاشاعىم» كەڭسەسىنىڭ باسشىسى ولجاس ساكەنوۆ، جەتىسۋ وبلىسىنىڭ كوللەدج ديرەكتورلارى مەن ب ا ق وكىلدەرى قاتىستى.
ءى. جانسۇگىروۆ اتىنداعى جەتىسۋ ۋنيۆەرسيتەتىنىڭ باسقارما ءتوراعاسى - رەكتور ەرمەك بورىبايەۆ «ماماندىعىم – بولاشاعىم» جوباسىنىڭ تاعى ءبىر مىندەتتەرىنىڭ ءبىرى – وقۋشىلارعا، ستۋدەنتتەرگە ەرتە كاسىپتىك باعدار بەرۋ ەكەنىن باسا ايتتى.
جەتىسۋ وبلىسى اكىمدىگىنىڭ باسپا ءسوز قىزمەتى
«جەتىسۋ ۋنيۆەرسيتەتىنىڭ بازاسىندا 2023 جىلى وڭىرلىك جوبالىق كەڭسە قۇرىلىپ، ۋنيۆەرسيتەت قىزمەتكەرلەرى فورسايت-زەرتتەۋ كۋرسىنان ءوتتى. ولار جەتىسۋ وبلىسىندا كادر تاپشىلىعىنىڭ وڭىرلىك كارتاسىن ازىرلەپ، وڭىرگە قاجەتتى بەس باعىتتى انىقتادى»، - دەگەن رەكتور سالالىق ساراپشى رەتىندە وڭىرلىك كارتانى ازىرلەۋگە ات سالىسقان كوللەدج ديرەكتورلارىنا العىس ءبىلدىردى.
ۋنيۆەرسيتەتتىڭ اكادەميالىق ماسەلەلەر جونىندەگى دەپارتامەنت باسشىسى عاليا كىدىربايەۆا، تىركەۋ ءوفيسى ديرەكتورى نازىم جاناتبەكوۆا، Zhansugurov College وقىتۋشىسى، جەتىسۋ وبلىسى بويىنشا Enactus كوماندالارىنىڭ كوورديناتور-ەدۆايزەرى ەرىك بەيسەنبەكوۆ جەتىسۋ وڭىرىندەگى كادرلار قاجەتتىلىگى، كرەديتتىك وقىتۋ تەحنولوگياسىن ەنگىزۋ ت.ب تاقىرىپتارى بويىنشا بايانداما جاسادى.
جەتىسۋ وبلىسى اكىمدىگىنىڭ باسپا ءسوز قىزمەتى
جيىندا «ماماندىعىم – بولاشاعىم» جوبالىق كەڭسەسىنىڭ جەرگىلىكتى اكىمدىكپەن بىرلەسە ازىرلەگەن «جەتىسۋ وبلىسىنىڭ ماماندارعا قاجەتتىلىگىنىڭ وڭىرلىك كارتاسىنىڭ» تۇساۋى كەسىلدى.
