Premer-mınıstr Oljas Bektenov elektr energetıkasy salasyn damytý máseleleri boıynsha jıyn ótkizdi, dep habarlaıdy Dalanews.kz.
Oǵan premer-mınıstrdiń birinshi orynbasary Roman Sklár, "Samuryq-Qazyna" UÁQ" AQ basqarma tóraǵasy Nurlan Jaqypov, premer-mınıstrdiń orynbasary – Úkimet Apparatynyń basshysy Ǵalymjan Qoıshybaev, premer-mınıstrdiń orynbasary – ulttyq ekonomıka mınıstri Serik Jumanǵarın, energetıka mınıstri Erlan Aqkenjenov, "Samuryq-Energo" jáne KEGOC ulttyq energetıka kompanıalarynyń basshylary Qaırat Maqsutov pen Nábı Aıtjanov qatysty.
Premer-mınıstr energetıkalyq jobalardy júzege asyrý kezinde merzimderin keıinge ysyrý praktıkasyn synǵa aldy.
"Prezıdent energetıkada tıisti dınamıka joq ekenin birneshe márte aıtyp keledi. Sondyqtan bárińiz barynsha kúsh jumyldyrýlaryńyz kerek. Barlyq josparlanǵan joba belgilengen merzimde júzege asyrylýǵa tıis. Eshqandaı úzilis bolmaýy kerek. Mınıstr, "Samuryq-Energo" jáne KEGOC basshylary, sizder, árbir nysan úshin tikeleı jaýaptysyzdar. Sizderdiń jumys oryndaryńyz kabınetterde emes, qurylys alańdarynda", - dep atap ótti Oljas Bektenov.
