پرەمەر-مينيستر ولجاس بەكتەنوۆ ەلەكتر ەنەرگەتيكاسى سالاسىن دامىتۋ ماسەلەلەرى بويىنشا جيىن وتكىزدى، دەپ حابارلايدى Dalanews.kz.
وعان پرەمەر-مينيستردىڭ ءبىرىنشى ورىنباسارى رومان سكليار، "سامۇرىق-قازىنا" ءۇاق" اق باسقارما ءتوراعاسى نۇرلان جاقىپوۆ، پرەمەر-مينيستردىڭ ورىنباسارى – ۇكىمەت اپپاراتىنىڭ باسشىسى عالىمجان قويشىبايەۆ، پرەمەر-مينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين، ەنەرگەتيكا ءمينيسترى ەرلان اقكەنجەنوۆ، "سامۇرىق-ەنەرگو" جانە KEGOC ۇلتتىق ەنەرگەتيكا كومپانيالارىنىڭ باسشىلارى قايرات ماقسۇتوۆ پەن ءنابي ايتجانوۆ قاتىستى.
پرەمەر-مينيستر ەنەرگەتيكالىق جوبالاردى جۇزەگە اسىرۋ كەزىندە مەرزىمدەرىن كەيىنگە ىسىرۋ پراكتيكاسىن سىنعا الدى.
"پرەزيدەنت ەنەرگەتيكادا ءتيىستى ديناميكا جوق ەكەنىن بىرنەشە مارتە ايتىپ كەلەدى. سوندىقتان ءبارىڭىز بارىنشا كۇش جۇمىلدىرۋلارىڭىز كەرەك. بارلىق جوسپارلانعان جوبا بەلگىلەنگەن مەرزىمدە جۇزەگە اسىرىلۋعا ءتيىس. ەشقانداي ءۇزىلىس بولماۋى كەرەك. مينيستر، "سامۇرىق-ەنەرگو" جانە KEGOC باسشىلارى، سىزدەر، ءاربىر نىسان ءۇشىن تىكەلەي جاۋاپتىسىزدار. سىزدەردىڭ جۇمىس ورىندارىڭىز كابينەتتەردە ەمەس، قۇرىلىس الاڭدارىندا"، - دەپ اتاپ ءوتتى ولجاس بەكتەنوۆ.
