Abaı oblysynda bilim berý mekemesinde búdjet qarajatyn jymqyrý deregi anyqtaldy, dep habarlaıdy Dalanews.kz.
Maqanshy aýdanynyń prokýratýrasy Qarabutaq orta mektebinde búdjet qarajatyn jymqyrý deregin anyqtady.
Mekemeniń bas esepshisi aı saıyn ózine eki eselengen jalaqy eseptep otyrǵan, sondaı-aq, shyn máninde jumys istemegen jubaıyna zańsyz túrde jalaqy aýdarǵan.
"Zańsyz áreket saldarynan 18 mln teńgeden asa búdjet qarajaty jymqyrylǵan. Aýdan prokýratýrasy Qazaqstan Respýblıkasy Qylmystyq kodeksiniń 189-baby 3-bóligi boıynsha sotqa deıingi tergep-tekserýdi bastady. Keltirilgen zalal ishinara óteldi", - dep jazylǵan habarlamada.
