Senatta ótken brifing barysynda tosyn oqiǵa boldy. Vitse-premer, Ulttyq ekonomika ministri Serik Jumanǵarin jýrnalistiń suraǵyna shamdanyp, jiyndy aiaqtap ketip qalǵan, dep habarlaidy Dalanews.kz.
Oqiǵa BES.media tilshisi ministrden biýdjetke 200 mlrd teńgeden astam salyq tólemegen kompaniianyń ataýyn suraǵanda bolǵan. Jumanǵaringe bul suraq unamai, mikrofondy sóndirip, zaldan shyǵyp ketti. Jýrnalisterge qosymsha suraq qoiýǵa múmkindik berilmedi.
Aita keteiik, buǵan deiin ministr qazaqstandyq birqatar kompaniianyń Astana halyqaralyq qarjy ortalyǵy (AHQO) iýrisdiktsiiasyna aýysýy saldarynan memleket aitarlyqtai salyqtan qaǵylyp jatqanyn málimdegen bolatyn. Ol bul tájiribeni salyqtan jaltarýdyń bir ádisi retinde baǵalap, salyq júiesine reforma qajet ekenin aitqan.
AHQO qatysýshylary belgili bir talaptar oryndalǵan jaǵdaida salyqtyq jeńildikterge ie, sonyń ishinde dividendterge salyq salynbaidy. Ulttyq ekonomika ministrligi dál osy jeńildikterdi qaita qaraý qajet dep esepteidi, óitkeni olardy negizinen iri korporatsiialar paidalanyp otyr.
Alaida Prezident Qasym-Jomart Toqaev qarjy ortalyǵynyń el ekonomikasyna qosar úlesin joǵary baǵalap, onyń jumys erejelerinen bas tartýǵa bolmaitynyn birneshe ret atap ótken.
