سەناتتا ٶتكەن بريفينگ بارىسىندا توسىن وقيعا بولدى. ۆيتسە-پرەمەر, ۇلتتىق ەكونوميكا مينيسترٸ سەرٸك جۇمانعارين جۋرناليستٸڭ سۇراعىنا شامدانىپ, جيىندى اياقتاپ كەتٸپ قالعان, دەپ حابارلايدى Dalanews.kz.
وقيعا BES.media تٸلشٸسٸ مينيستردەن بيۋدجەتكە 200 ملرد تەڭگەدەن استام سالىق تٶلەمەگەن كومپانييانىڭ اتاۋىن سۇراعاندا بولعان. جۇمانعارينگە بۇل سۇراق ۇناماي, ميكروفوندى سٶندٸرٸپ, زالدان شىعىپ كەتتٸ. جۋرناليستەرگە قوسىمشا سۇراق قويۋعا مٷمكٸندٸك بەرٸلمەدٸ.
ايتا كەتەيٸك, بۇعان دەيٸن مينيستر قازاقستاندىق بٸرقاتار كومپانييانىڭ استانا حالىقارالىق قارجى ورتالىعى (احقو) يۋريسديكتسيياسىنا اۋىسۋى سالدارىنان مەملەكەت ايتارلىقتاي سالىقتان قاعىلىپ جاتقانىن مەلٸمدەگەن بولاتىن. ول بۇل تەجٸريبەنٸ سالىقتان جالتارۋدىڭ بٸر ەدٸسٸ رەتٸندە باعالاپ, سالىق جٷيەسٸنە رەفورما قاجەت ەكەنٸن ايتقان.
احقو قاتىسۋشىلارى بەلگٸلٸ بٸر تالاپتار ورىندالعان جاعدايدا سالىقتىق جەڭٸلدٸكتەرگە يە, سونىڭ ٸشٸندە ديۆيدەندتەرگە سالىق سالىنبايدى. ۇلتتىق ەكونوميكا مينيسترلٸگٸ دەل وسى جەڭٸلدٸكتەردٸ قايتا قاراۋ قاجەت دەپ ەسەپتەيدٸ, ٶيتكەنٸ ولاردى نەگٸزٸنەن ٸرٸ كورپوراتسييالار پايدالانىپ وتىر.
الايدا پرەزيدەنت قاسىم-جومارت توقاەۆ قارجى ورتالىعىنىڭ ەل ەكونوميكاسىنا قوسار ٷلەسٸن جوعارى باعالاپ, ونىڭ جۇمىس ەرەجەلەرٸنەن باس تارتۋعا بولمايتىنىن بٸرنەشە رەت اتاپ ٶتكەن.
