J.Túimebaev: "Ordabasy qazaqtyń rýx mekeni"
Ońtústik Qazaqstan oblysynda Elbasy usynǵan «Rýhani jańǵyrý» baǵdarlamasynyń 6 baǵytyn júzege asyrý aiasynda 100-ge jýyq joba júzege asyrylýda. Oblys ákimi Janseiit Túimebaevtyń tapsyrmasyna sáikes, atalǵan jobalardyń aiasynda Ordabasy taýynda da eskertkish ornatyp, týrister kelip tamashalaityndai abattandyrý jumystary júrgizilýi kerek. Osyǵan bailanysty óńir basshysy Ordabasyǵa arnaiy baryp, tiisti sala jetekshilerimen jańa jobanyń nobaiyn talqylady. Oblys ákimi usynystardy tyńdap, óz oiyn ortaǵa saldy.
– Ordabasy taýy – halyq kelip rýhani tynyǵatyn, rýh jinaityn, oiyn tazartatyn oryn bolýy kerek. Salýǵa tiisti eskertkishtiń de eńseli bolýy tiis. Sonymen qatar, ashyq aspan astyndaǵy amfiteatr bolýy tiis. Kelýshi týristerge de jaǵdai jasap, arnaiy estelik syilyqtar satatyn dúkender ashý kerek. Bolashaqta halyqtyń munda keń dalany tamashalap, taza aýamen tynystap, demalyp qaitqany durys bolar edi. Halqymyzdyń jaratylysynda keń dala erekshe mańyzǵa ie ekendigin bilesizder. Sondyqtan da osyndai dalaǵa jáne biiktikke shyqqanda janymyz airyqshy jigerlenip, rýxtanyp ketedi. Bul ultymyzdyń ereksheleý bolmysyn qaita túletý úshin qasietti Ordabasy taýyn osyndai rýx alatyn orynǵa ainaldyrǵanymyz abzal bolar edi, – dedi Janseiit Qanseiituly.
Kópke málim Ordabasy – «Aqtaban shubyryndy, Alqakól sulamadan» keiin qazaq halqy qaita eńsesin tiktep, jaýǵa qarsy attanǵan jeri. Ordabasydaǵy Birliktóbe 18-ǵasyrda úsh bidiń bastamasymen úsh júzdiń basy qosylyp, jońǵar shapqynshylaryna qarsy kúsh biriktirýge úndegen jer.
[caption id="attachment_32032" align="aligncenter" width="1280"] Samat Myrzalievtyń fotosy[/caption]
Sondai-aq, oblys ákimi 1993 jyly Elbasy Nursultan Nazarbaevtyń Ordabasyda túrki tildes úsh eldiń basshylarynyń basyn qosqanyn aitty. Aita keterligi, aldaǵy jyly bul dataǵa 25 jyl tolady. Budan bólek, óńir basshysy 1 myń gektar aýmaqty alyp jatqan qasterli jerdiń kire berisine jol men demalys oryndary, dámhanalar salynatynyn atap ótti. Sonymen qatar, tiisti basqarma basshylaryna atalǵan jobalar 2018 jyly tolyq aiaqtalýy qajettigin tapsyrdy.
OQO ákiminiń baspasóz qyzmeti
