Basqosýda Mıhael Kortúm jospardyń negizgi baǵyttarynyń biri – jolaýshylar vagon sanyn arttyryp, onyń sapasyn jaqsartý ekenin alǵa tartty.
– Jyl saıyn 100 jańa vagon alý kózdelip otyr. Eski vagondar tolyq jóndeýden ótedi. Sonymen birge osy jyly kompanıaǵa qarasty barsha baǵyttarda jańa jeńil almaly-salmaly múkkámál engizildi, – dedi «Jolaýshylar tasymaly» AQ Bas dırektory.
İshki korporatıvtik mádenıet, kompanıanyń uıymdyq qurylymyn ońtaılandyrý, jańa IT-strategıa – bul jumsalatyn qarajatty únemdeý maqsatynda atqarylatyn sharalardyń bastamasy bolmaqshy.
Jyl saıyn temirjol tasymalymen 20 mıllıonnan astam jolaýshylar qatynaıdy. Sondyqtan da kompanıanyń basty mindeti halyqqa sapaly, qol jetimdi qyzmet qórsetý bolyp tabylady.
2019 jyldyń 11 aıynda 15 mıllıon jolaýshy tasymaldanǵan. Elektrondyq bılet satýdyń úlesi 80%-ǵa ósti. Osy jyldyń shilde aıynyn engizilgen Kútý paraqshasy arqyly 85 myń jol júrý qujattary satylǵanyn da aıta ketýimiz kerek. Kútý paraqshasy – temirjol tasymalyndaǵy TMD aýmaǵy boıynsha alǵashqy joba.
Anyqtama: Qazirgi tańda «Jolaýshylar tasymaly» AQ-na qarasty 4 fılıal jáne eki enshiles kompanıa bar. Olar - «Ońtústik», «Batys», «Soltústik» jáne «Ekspress» fılıaldary jáne «Qala mańy tasymaly» AQ-y men «Vagonservıs» AQ-y. 117 baǵyt, 13 myńnan astam qyzmetker jumys isteıdi. . Onyń ishinde 5 myńnan astamy – poıyz brıgadalary. 2 myńnan astam jolaýshylar vagony bar.
