بۇگىن «جولاۋشىلار تاسىمالى» اق باس ديرەكتورى ميحاەل كورتيۋم اعىمداعى جىلدىڭ قورىتىندىسىن شىعارىپ، كومپانيانىڭ الداعى دامۋ جوسپارىمەن ءبولىستى. 

باسقوسۋدا ميحاەل كورتيۋم جوسپاردىڭ نەگىزگى باعىتتارىنىڭ ءبىرى – جولاۋشىلار ۆاگون سانىن ارتتىرىپ، ونىڭ ساپاسىن جاقسارتۋ ەكەنىن العا تارتتى.

– جىل سايىن 100 جاڭا ۆاگون الۋ كوزدەلىپ وتىر. ەسكى ۆاگوندار تولىق جوندەۋدەن وتەدى.  سونىمەن بىرگە وسى جىلى كومپانياعا قاراستى بارشا باعىتتاردا جاڭا جەڭىل المالى-سالمالى مۇككامال ەنگىزىلدى، – دەدى «جولاۋشىلار تاسىمالى» اق باس ديرەكتورى.

ىشكى كورپوراتيۆتىك مادەنيەت، كومپانيانىڭ ۇيىمدىق قۇرىلىمىن وڭتايلاندىرۋ،  جاڭا IT-ستراتەگيا – بۇل  جۇمسالاتىن قاراجاتتى ۇنەمدەۋ ماقساتىندا اتقارىلاتىن   شارالاردىڭ باستاماسى بولماقشى.     

جىل سايىن تەمىرجول تاسىمالىمەن 20 ميلليوننان استام جولاۋشىلار قاتىنايدى. سوندىقتان دا كومپانيانىڭ باستى مىندەتى  حالىققا ساپالى، قول جەتىمدى قىزمەت قورسەتۋ بولىپ تابىلادى.   

2019 جىلدىڭ 11 ايىندا 15 ميلليون جولاۋشى تاسىمالدانعان. ەلەكتروندىق بيلەت ساتۋدىڭ ۇلەسى 80%-عا ءوستى. وسى جىلدىڭ شىلدە ايىنىن ەنگىزىلگەن كۇتۋ پاراقشاسى ارقىلى 85 مىڭ جول ءجۇرۋ قۇجاتتارى ساتىلعانىن دا ايتا كەتۋىمىز كەرەك. كۇتۋ پاراقشاسى – تەمىرجول تاسىمالىنداعى تمد  اۋماعى بويىنشا العاشقى جوبا.

 

انىقتاما: قازىرگى تاڭدا «جولاۋشىلار تاسىمالى» اق-نا  قاراستى 4 فيليال جانە ەكى ەنشىلەس كومپانيا بار. ولار -  «وڭتۇستىك»، «باتىس»، «سولتۇستىك» جانە  «ەكسپرەسس» فيليالدارى جانە «قالا ماڭى تاسىمالى» اق-ى مەن «ۆاگونسەرۆيس» اق-ى. 117 باعىت، 13 مىڭنان استام قىزمەتكەر جۇمىس ىستەيدى. . ونىڭ ىشىندە 5 مىڭنان استامى – پويىز بريگادالارى. 2 مىڭنان استام جولاۋشىلار ۆاگونى بار.