Nursultan Nazarbaevtyń baspasóz qyzmeti qazaqstandyqtardy tuńǵysh prezident kúnimen quttyqtady, dep habarlaidy Dalanews.kz.
Bul týraly Instagram paraqshasynda jazba paida boldy.
"1 jeltoqsan – Qazaqstan Respýblikasynyń tuńǵysh prezidenti kúni. 1991 jyly dál osy kúni elimizde alǵashqy búkilhalyqtyq prezident sailaýy ótti. Sailaý nátijesinde Nursultan Nazarbaev 98,7% daýys jinady. Bul kún – Qazaqstan táýelsizdiginiń tarihyndaǵy mańyzdy beles. Sondai-aq elde prezident biliginiń negizi qalanǵan kún", - dep jazylǵan elbasy_nazarbayev paraqshasynda.
Aita keteiik, 2022 jyldan bastap bul kún memlekettik merekeler tiziminen alyp tastaldy da, ádettegi jumys kúnine ainaldy.
Qazaqstandyqtar jazbaǵa jappai pikir jazyp jatyr:
"Tuńǵysh prezident kúni qutty bolsyn! Elimizge tynyshtyq, ár otbasyna molshylyq pen bereke tileimin", "Ómir jasyńyz uzaq bolsyn", "Merekemiz qutty bolsyn", "Ǵumyrly bolyńyz, ata".
