نۇرسۇلتان نازارباەۆتىڭ باسپاسٶز قىزمەتٸ قازاقستاندىقتاردى تۇڭعىش پرەزيدەنت كٷنٸمەن قۇتتىقتادى, دەپ حابارلايدى Dalanews.kz.
بۇل تۋرالى Instagram پاراقشاسىندا جازبا پايدا بولدى.
"1 جەلتوقسان – قازاقستان رەسپۋبليكاسىنىڭ تۇڭعىش پرەزيدەنتٸ كٷنٸ. 1991 جىلى دەل وسى كٷنٸ ەلٸمٸزدە العاشقى بٷكٸلحالىقتىق پرەزيدەنت سايلاۋى ٶتتٸ. سايلاۋ نەتيجەسٸندە نۇرسۇلتان نازارباەۆ 98,7% داۋىس جينادى. بۇل كٷن – قازاقستان تەۋەلسٸزدٸگٸنٸڭ تاريحىنداعى ماڭىزدى بەلەس. سونداي-اق ەلدە پرەزيدەنت بيلٸگٸنٸڭ نەگٸزٸ قالانعان كٷن", - دەپ جازىلعان elbasy_nazarbayev پاراقشاسىندا.
ايتا كەتەيٸك, 2022 جىلدان باستاپ بۇل كٷن مەملەكەتتٸك مەرەكەلەر تٸزٸمٸنەن الىپ تاستالدى دا, ەدەتتەگٸ جۇمىس كٷنٸنە اينالدى.
قازاقستاندىقتار جازباعا جاپپاي پٸكٸر جازىپ جاتىر:
"تۇڭعىش پرەزيدەنت كٷنٸ قۇتتى بولسىن! ەلٸمٸزگە تىنىشتىق, ەر وتباسىنا مولشىلىق پەن بەرەكە تٸلەيمٸن", "ٶمٸر جاسىڭىز ۇزاق بولسىن", "مەرەكەمٸز قۇتتى بولسىن", "عۇمىرلى بولىڭىز, اتا".
