Nursultan Nazarbaevtyń keńesshisi, 4 márte Qazzaq SSR Joǵary Keńesiniń depýtaty, 2 márte Qazaqstan Respýblikasy Parlamenti Májilisiniń depýtaty bolǵan Serik Ábdirahmanov Nartai Aralbaiulyna bergen suhbatynda tuńǵysh prezident qandai kekshil adam ekenin aitty, - dep habarlaidy Dalanews.kz.
Onyń sózinshe, kezinde ǵalymdarǵa tistengen Nazarbaev Ǵylym akademiiasyn qurtyp jibergen.
"2000 jyldardyń basynda Ǵylym akademiiasyna Prezident sailamaqshy bolyp, Ómirbek Joldasbekovti Nazarbaev usynady. Ol jerde demokratiia bar ǵoi. Akademikter Joldasbekovti ótkizbei qoiady. Soǵan yzalanǵan, soǵan renjigen Nazarbaev Ǵylym akademiiasyn jerledi ǵoi, bylai aitqanda, joq qyldy. Qoǵamdyq uiymǵa ainaldyryp jiberdi. Qanysh Sátbaev kótergen akademiia. Búkil Keńes odaǵynda dúrildep, tabystarymen kóringen. Bul degen óte kekshil adam. Endi bul Qazaqstandy joq qylady. Barlyq áreketti jasaidy", - deidi ol.
Serik Ábdirahmanov tuńǵysh prezidentten Qazaqstanǵa qandai qaýip baryn da aitty.
"80 paiyz bailyqty Nazarbaev jáne sonyń ainalasy jutyp alǵan. Ony da men suhbattarymda aittym. Endi bul ne isteidi? Qazaqstanda soǵan tiesili bailyqtyń bir bóligin Reseige beredi, bir bóligin Amerikaǵa beredi, bir bóligin Qytaiǵa beredi. Qazaqstan joq boldy degen sóz ǵoi. Bailyǵy joq, daýys bermeitin halyq. Naǵyz quldyqqa sonda túsemiz. Sosyn taǵy bir kitap jazady: "memleket bolmaǵan eldi memleket qylyp, qurastyryp, aiaǵyna turǵyzyp em" (dep - esk.). Týra Ýkrainanyń jaǵdaiyna alyp keledi. Kegin alady. Halyqty da keshirmeidi. Qarǵap, narazylyqqa shyǵyp, eskertkishin, sýretterin joiyp, qarsy sóz aityp jatyr ǵoi. Osyndai qaýip tur. Toqaevty qoldaimyn, Toqaevqa halyqqa jaqyn bolsyn dep júrgenim - sol", - deidi ol.
Osylaisha Ábdirahmanov Nazarbaevty ashyq aiyptady.
"Jońǵar peiildi Nazarbaev. Nurshaitan. Qazaqstandy joq qyldy ǵoi. Biz degen arabtardan bai halyqpyz ǵoi. Jerimiz sondai bai. Sondai bailyqpen bizdi kedeishilikke jetkizý... Kishkentai bir mi bolsa, tarihta qalmaisyń ba?! Shymshylap al, ashtan ólmeisiń", - deidi Eski Qazaqstannyń ókili.
