Túrkistan oblysy, Qazyǵurt aýdany Q.Ábdalıev aýyl okrýgi, Rabat eldi mekeniniń turǵyndary Nálibaevtar otbasy demeýshilik jasap, eldi mekenniń jalǵyz basty turmysy tómen anaǵa baspana syılady, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Bul qaıyrymdy otbasynyń birinshi izgiligi emes. Nálibaevtar otbasy budan buryn da birneshe jaǵdaıy tómen otbasylar men osal toptaǵy aýyl adamdaryna baspanalar syılap, kómek qolyn sozyp  júrgen.

Baspana kiltin tabystaý saltanatyna aýdan ákimi Azızhan Ismaılov  qatysyp, demeýshilik jasap otyrǵan otbasyǵa alǵys aıtyp, ystyq yqylasyn bildirdi. Sondaı-aq jańa shańyraq ıesimen qýanyshyn bólisti.

Nálibaevtar otbasy bul isimen kópshilikke úlgi bolyp qana qoımaı, halyqtyń alǵysyna bólengen.