Májilisti júrgizip otyrǵan aýdan ákimi Baqyt Asanov: «Jyl saıynǵy Elbasymyzdyń Joldaýlary ózindik erekshelikterimen kórinis tabady. Bul jolǵy tarıhı qujat elimizdiń baı jáne baqýatty ómir súrýi, elimizdiń ozyq damyǵan 30 eldiń qataryna qosylýy – Táýelsiz memleketimizdiń máńgilik muratyn jasap kórsetti. Minekı, osy el damýyndaǵy asa mańyzdy qujattyń qundylyǵyn, mán-mazmunyn tereń taldap, jan-jaqty túsindirý maqsatynda oblysymyzdan birqatar azamattar kelip otyr», – dedi.
Túrkistan oblysy ákiminiń orynbasary Erbol Tasjúrekov bastap kelgen oblystyq aqparattyq-nasıhattyq toptyń quramynda oblystyq densaýlyq saqtaý basqarmasynyń basshysy, top jetekshisiniń orynbasary Muqan Egizbaev, Syrdarıa ýnıversıtetiniń kafedra meńgerýshisi, ekonomıka ǵylymdarynyń doktory Begim Serikov, oblystyq kásipkerlik, ındýstrıaldy-ınnovasıalyq damý basqarmasynyń basshysy Ǵanıbet Áýbákirov, oblystyq dene shynyqtyrý jáne sport basqarmasy basshysynyń mindetin atqarýshy Aıtmahametáli Berdashev, oblystyq tabıǵı resýrstar jáne tabıǵat paıdalanýdy retteý basqarmasynyń basshysy Ilás Quramysov, Syrdarıa ýnıversıtetiniń dosenti, tarıh ǵylymdarynyń kandıdaty Myrzataı Meıirbekov, oblystyq aqparat taldaý ortalyǵynyń bólim basshysy Baıan Anarbaevalar bar.
Eń alǵash sóz sóılegen oblys ákiminiń orynbasary E.Tasjúrekov Joldaýda aıtylǵan negizgi máselelerge toqtalyp, Joldaý jańadan qurylǵan Túrkistan oblysynda kásipkerlik pen týrızmdi damytýǵa úlken serpin beretinin atap ótti. Sondaı-aq, Syrdarıa ýnıversıtetiniń dosenti M.Meıirbekov Elbasy Joldaýynyń tarıhı mánin tereń túsindirip, ondaǵy bilim salasyna qatysty aıtylǵan máselelerge toqtaldy. Maqtaaral aýdanynyń qarıalary atynan sóz sóılegen ardagerler keńesiniń tóraǵasy S.Ońǵarov pen aýdan jastarynyń atynan sóılegen Maqtaaral agrobıznes kolejiniń stýdenti U.Teńizbaı Elbasy Joldaýyna qoldaý kórsetip, ondaǵy aıtylǵan tapsyrmalardyń jergilikti jerde oryndalýy úshin bir jaǵadan bas, bir jeńnen qol shyǵarý kerektigin aıtty.
Aıta keteıik, Elbasynyń Joldaýyn Maqtaaral aýdanynyń kentteri men aýyldyq okrýgterinde, barlyq eldi mekenderinde turatyn turǵyndarǵa tereńnen túsindirý úshin arnaıy aýdandyq toptar qurylyp, jumys júrgizýde.
Maqtaaral aýdany ákiminiń baspasóz qyzmeti
