Májilisti júrgizip otyrǵan aýdan ákimi Baqyt Asanov: «Jyl saiynǵy Elbasymyzdyń Joldaýlary ózindik erekshelikterimen kórinis tabady. Bul jolǵy tarihi qujat elimizdiń bai jáne baqýatty ómir súrýi, elimizdiń ozyq damyǵan 30 eldiń qataryna qosylýy – Táýelsiz memleketimizdiń máńgilik muratyn jasap kórsetti. Mineki, osy el damýyndaǵy asa mańyzdy qujattyń qundylyǵyn, mán-mazmunyn tereń taldap, jan-jaqty túsindirý maqsatynda oblysymyzdan birqatar azamattar kelip otyr», – dedi.
Eń alǵash sóz sóilegen oblys ákiminiń orynbasary E.Tasjúrekov Joldaýda aitylǵan negizgi máselelerge toqtalyp, Joldaý jańadan qurylǵan Túrkistan oblysynda kásipkerlik pen týrizmdi damytýǵa úlken serpin beretinin atap ótti. Sondai-aq, Syrdariia ýniversitetiniń dotsenti M.Meiirbekov Elbasy Joldaýynyń tarihi mánin tereń túsindirip, ondaǵy bilim salasyna qatysty aitylǵan máselelerge toqtaldy. Maqtaaral aýdanynyń qariialary atynan sóz sóilegen ardagerler keńesiniń tóraǵasy S.Ońǵarov pen aýdan jastarynyń atynan sóilegen Maqtaaral agrobiznes kolledjiniń stýdenti U.Teńizbai Elbasy Joldaýyna qoldaý kórsetip, ondaǵy aitylǵan tapsyrmalardyń jergilikti jerde oryndalýy úshin bir jaǵadan bas, bir jeńnen qol shyǵarý kerektigin aitty.
Aita keteiik, Elbasynyń Joldaýyn Maqtaaral aýdanynyń kentteri men aýyldyq okrýgterinde, barlyq eldi mekenderinde turatyn turǵyndarǵa tereńnen túsindirý úshin arnaiy aýdandyq toptar qurylyp, jumys júrgizýde.
Maqtaaral aýdany ákiminiń baspasóz qyzmeti
